Lajme

Arrestohet një i dyshuar për grabitjen e parave të bankës në Parallovë

Autori: Gazeta inFokus 10:53 | 01 December 2021

Policia e Kosovës e ka arrestuar dje një person të dyshuar për veprën penale “grabitje”.

Sipas policisë, bëhet fjalë për grabitjen më datën 18 nëntor ku u sulmua një veturë që po transportonte paratë e bankave.

Rasti kishte ndodhur në Parallovë.

-Advertisement-

“Fsh. Parallovë, Novobërdë, 18.11.2021-15:25. Në lidhje me rastin është raportuar se me 30.11.2021 është arrestuar i dyshuari mashkull kosovar nën dyshimin se i njëjti ka kryer veprën penale. Me vendim të prokurorit i njëjti pas intervistimit është dërguar në mbajtje”, thuhet në njoftim.

Me datë 18 nëntor, vetura e një kompanie sigurimi e cila ishte në lëvizje në rrugën Prishtinë-Gjilan, më saktësisht në fshatin Parallovë është grabitur nga persona të armatosur.

Ata grabitën paratë e kompanisë duke ikur më pas në drejtim të panjohur. Policia pati raportuar se nga kjo grabitje nuk ka të lënduar.

“Është raportuar se katër persona të pa njohur duke përdorur armë zjarri të llojit AK/47, kanë grabitur një shumë parash dhe dy armë zjarri, pronë e një kompanie të sigurimit dhe janë larguar në drejtim të panjohur. Të dyshuarit më pas i kanë vënë zjarrin veturës së tyre të llojit Opell Zafira”, thuhej në njoftimin e policisë.

Subscribe në YouTube: GAZETA INFOKUSI