Reciprocitet mes tensioneve, The Guardian: Çfarë ndodhi mes Kosovës dhe Serbisë
![](https://gazetainfokus.com/wp-content/uploads/2021/10/59242412_401.jpg)
Autori: Gazeta inFokus
12:38 | 03 October 2021
Në një pikë karburanti të braktisur, gjysmë milje nga pika kufitare Jarinjë e Kosovës me Serbinë, një flamur serb ishte vendosur në çati. Një grup të rinjsh u ulën në arka të përmbysura të birrave, duke shpërndarë shishe me ujë dhe raki shtëpie në gota të vogla plastike. Kështu e pëshkruan situatën e ditëve të fundit në veri të Kosovës, gazeta e njohur britanike, The Guardian, transmeton Gazeta Express.
Rruga malore pranë tyre, e rrethuar nga të dyja anët nga grupet e protestuesve rreth tendave dhe zjarreve të ndezura të kampit, ishte e bllokuar mirë nga kamionët e ngarkuar rëndë.
Ndërsa tregon shkakun e tensioneve në pikëkalimet kufitare me Serbinë, gazeta britanike shkruan se “skenat pranë fshatit Jarinjë mund të duken misterioze për botën e gjerë”.
Bllokimi në dy vendkalimet kufitare nga serbët në Kosovë kishte bërë që qeveria kosovare të dërgonte forcat speciale të policisë për të mbajtur kufijtë e hapur. Kjo u pa në Beograd si një provokim i mjaftueshëm për vendosjen e avionëve luftarakë dhe tankeve në skena që i bënë jehonë të mjaftueshme të kaluarës që liderët ndërkombëtarë ta ndiejnë nevojën për të bërë thirrje për qetësi, shkruan The Guardian.
Policia e Kosovës raportoi fundjavën e kaluar se një ndërtesë komunale e përfshirë në lëshimin e regjistrimeve të automjeteve ishte djegur. Një e dytë ishte sulmuar me granata, të cilat nuk kishin arritur të shpërthenin. KFOR-i i drejtuar nga NATO, që ka pasur një rol paqeruajtës në Kosovë që nga viti 1999 i rriti patrullat. Ministri i Mbrojtjes i Serbisë erdhi për ta vëzhguar kufirin, i shoqëruar nga ambasadori i Rusisë në Beograd – një shfaqje alarmante për shumë njerëz.
Mosmarrëveshja për targat ishte përshkallëzuar në mënyrë të rrezikshme. Jetët ishin vënë në rrezik, thuhet më tej.
Për shumë vëzhgues, zhvillimet gjatë dy javëve të fundit kanë nxjerrë në pah mungesën e lidershipit ndërkombëtar për këtë çështje, veçanërisht nga BE-ja.
Javën e kaluar, presidentja e Komisionit Evropian, Ursula von der Leyen, theksoi se e ardhmja e të ashtuquajturit “Ballkani Perëndimor” – Shqipërisë, Bosnjë dhe Hercegovinës, Kosovës, Maqedonisë së Veriut, Malit të Zi dhe Serbisë është në Bashkimin Evropian.
Megjithatë, si Serbia, Kina dhe Rusia, pesë nga 27 vendet anëtare të BE -së – Sllovakia, Rumania, Greqia, Qipro dhe Spanja ende nuk e njohin Kosovën, kryesisht nga frika e inkurajimit të lëvizjeve për pavarësis brenda territoreve të tyre, shkruan gazeta britanike.
Presidenti i Francës Emmanuel Macron e ka bërë të qartë se duke pasur parasysh degradimin e sundimit të ligjit në Poloni dhe Hungari dhe dobësinë e institucioneve të Brukselit në përgjigjen ndaj këtij kërcënimi, prioritet i BE-së duhet të jetë forcimi i asaj që ata e kanë. Është një “jo” për zgjerim nga Parisi”, tha Vjosa Musliu, profesoreshë e marrëdhënieve ndërkombëtare në Bruksel. “Duke pasur parasysh qëndrimin e çrregullt ndaj rajonit, veçanërisht në javët e kaluara, BE-ja shfaqet si aktori më jonormal në të gjithë këtë strukturë.”
BE-ja e ka paraqitur dialogun mes Prishtinës dhe Beogradit si thjesht teknik, por në fakt është thellësisht politik dhe kërkon udhëheqje, shtoi Musliu: “Nuk mund ta injorosh elefantin e madh në dhomë.”
![](https://gazetainfokus.com/wp-content/uploads/2024/08/VKD01249-scaled.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...