Sport

Ole Gunnar Solskjaer zbulon qëllimet e Manchester Unitedit në Ligën e Kampionëve

Autori: Gazeta inFokus 22:18 | 13 Shtator 2021

Trajneri i Manchester Unitedit, Ole Gunnar Solskajer, ka folur në konferencë për media para ndeshjes me Young Boys, takim ky i vlefshëm për fazën e grupeve të Ligës së Kampionëve, shkruan Gazeta inFokus.

Solskjaer ka thënë se qëllimi i ‘Djajve të Kuq’ është të shkojnë deri në fazën e fundit të garës më prestigjioze për klube në Evropë.

“Qëllimi është të shkojmë deri në fazën e fundit, por ne e dimë se do të jetë e vështirë. Gjithmonë është e tillë në këtë garë. Por ne kemi shtuar disa lojtar të ri dhe me përvojë në skuadër dhe shpresojmë se jemi më të përgatitur për atë që do të vijë”, tha fillimisht ai.

-Advertisement-

Me pas tekniku norvegjez deklaroi se ekipi i tij është rritur dhe pjekur gjatë sezoneve të fundit.

“Ky ekip është rritur dhe pjekur gjatë sezoneve të fundit, ky ishte gjithmonë plani. David De Gea dhe Harry Maguire ka qenë këtu për disa vjet tani, Raphael Varane dhe Cristiano. Ne kemi shtuar cilësinë”, përfundoi ai.

Ndeshja mes Young Boysit dhe Manchester Unitedit zhvillohet të martën nga ora 18:45 në ‘Stadion Wankdorf’ në qytetin e Bernit në Zvicër./Gazeta inFokus/