Anulohet seanca e rigjykimit për vrasjen e rëndë në Deçan
Autori: Gazeta inFokus 12:15 | 27 April 2021
Është anuluar seanca e rigjykimit, e paraparë për të martën, në rastin e të akuzuarit për vrasje të rëndë, Hasan Zenlaj.
Ai po akuzohet nga Prokuroria e Pejës se me qëllim të hakmarrjes, në vitin 1989, në Deçan, në bashkëkryerje me vëllain e tij, e kishin privuar nga jeta tani të ndjerin Zekë Ukaj, raporton “Betimi për Drejtësi”.
Lidhur me seancën e së martës, kryetari i trupit gjykues, Sami Sharraxhiu tha se e njëjta është anuluar për shkak të përfaqësuesit të palës së dëmtuar, avokatit Isa Osdautaj, i cili nuk është në gjendje të mirë shëndetësore.
“Gjykata i ka njoftuar të gjitha palët në procedurë për anulimin e seancës, burgun dhe policinë dhe po ashtu është anuluar edhe seanca e datës 30 prill 2021”, bëri të ditur gjykatësi Sharraxhiu.
Seanca e radhës u caktua me 2 qershor 2021, në ora 10:00.
Ndryshe, në shkurt të vitit 2020, ish-kryetari i trupit gjykues, Sylë Lokaj, e kishte gjetur fajtor të pandehurin Zenelaj dhe e kishte dënuar me 11 vite burgim.
Mirëpo, Gjykata e Apelit i kishte aprovuar ankesat e mbrojtësve të të pandehurit, avokatëve Ramiz Krasniqi dhe Berat Tmava, me ç’rast e kishte kthyer çështjen në rigjykim, me arsyetimin se vendimi i shkallës së parë nuk mund të qëndrojë si i ligjshëm.
Apeli ka vlerësuar se Gjykata Themelore në Pejë nuk kishte dhënë arsye për faktet vendimtare, përderisa ato që i kishte dhënë ishin të paqarta dhe të papranueshme.
Apeli ka udhëzuar që gjykata e shkallës së parë të administrojë përsëri provat dhe të eliminojë kundërthëniet lidhur me dëshmitë e dëshmitarëve e identifikimin e të akuzuarit dhe për kohën e kryerjes së veprës penale, të bëhet rekonstruimi i vendit të ngjarjes për sqarimin e pozitës së dëshmitarëve në raport me viktimën dhe sulmuesit, e sipas nevojës të bëhet ekspertizë mjekoligjore lidhur me plagët që ka pësuar viktima, përkatësisht a kishte mundësi të shkaktohen plagët nga një person apo dy, duke marrë për bazë pozitën e të ndjerit me të dënuarin Selim.
Ndryshe, sipas aktakuzës së ngritur më 29 maj 2019, nga Prokuroria Themelore në Pejë, Hasan Zenelaj, i njohur më parë me emrin Besim Zenelaj, akuzohet se më 20 tetor 1989, rreth orës 9:30, në rrugën ish “Eduar Kardeli” në Deçan, në afërsi të kanalit për ujitje, me marrëveshje me tani të dënuarin Selim Zenelaj, nga hakmarrja e kanë privuar nga jeta tani të ndjerin Zekë Ukaj, i moshës 25 vjeçare nga fshati Strellc i Epërm.
Sipas aktakuzës, rasti kishte pikënisjen në një rrahje që kishte ndodhur më 12 qershor 1989, në mes të pandehurit dhe vëllait të tani të ndjerit.
Bazuar në akuzë, tani i ndjeri Zekë Ukaj ishte përcjellë për një kohë, e pastaj i afrohen nga prapa, fillimisht i dënuari Selim Zenelaj, e kap për qafe me dorë të majtë, kurse me dorën e djathtë fillon ta godas me thikë në pjesën e përparme të regjionit të gjoksit.
Gjithnjë sipas aktakuzës, kur i ndjeri në mbrojtje e sipër së bashku me të dënuarin Selim Zenelaj bien në kanalin e ujit, i pandehuri Hasan Zenelaj zbret në kanal dhe derisa i dënuari Selim Zenelaj po e mbante tani të ndjerin për duarsh, e godet disa herë në shpinë e pjesë të tjera të trupit, gjithsej 16 goditje, shumicën prej tyre në organe vitale, ku për pasojë edhe ndërron jetë në vendin e ngjarjes.
Në shkresat e lëndës, thuhet se i akuzuari Hasan Zenaj, i njohur me emrin Besim Zenelaj, është arratisur menjëherë pas ngjarjes kritike dhe nuk i është ditur vendndodhja, me ç’rast ish-Gjykata e Qarkut në Pejë, më 28 tetor 1989, ka lëshuar letër-rreshtim.
Pasi që i akuzuari ishte i pakapshëm për organet e ndjekjes, thuhet se Gjykata e Pejës ka lëshuar letër-rreshtim ndërkombëtar, më 5 dhjetor 2015, ndërsa i pandehuri është arrestuar në shtetin e Zvicrës më 27 janar 2019, ku edhe është ekstraduar në Kosovë më 8 maj 2019.
Kurse, ndaj të pandehurit tjetër, Selim Zenelaj, i cili akuzohet se me Hasan Zenelaj ka kryer vrasjen e rëndë, ishte vazhduar procedura, me ç’ rast, më 20 shtator 1991, ai ishte dënuar me 11 vjet burgim, me aktgjykim të plotfuqishëm.
Të tjera
-
I dyshuari që dhu*noi se*ksua*lisht për një vit 14 vjeçaren nga Ferizaj ishte zyrtar i Policisë së Kosovës
Herën e parë e kishte dhunuar në Autobus. E më pas për një vit rresht 59 vjeç...
-
Kosova të bëjë gjithçka që është e mundur që ta sigurojë mbështetjen e Komitetit të Ministrave
Kryeministri i Shqipërisë, Edi Rama, e ka mirëpritur vendimin e BE-së për mir...
-
Kurti: Kosova ka nevojë për një qeverisje efikase që i përmbush nevojat e qytetarëve
Kryeministri i Kosovës, Albin Kurti ka thënë se administrata publike ësht...
-
Ambasada britanike: Kosova të bëjë gjithçka që është e mundur që ta sigurojë mbështetjen e Komitetit të Ministrave
Në Strasburg sot zëvendësministrat e Jashtëm të vendeve anëtare janë duke bër...
-
ASK i bën thirrje qytetarëve që të regjistrohen: Është obligim ligjor
Agjencia e Statistikave e Kosovës i ka bërë thirrje qytetarëve që ta shfrytëz...
-
”Elektrosever” nis instalimin e njehsorëve inteligjentë në veri
Kompania “Elektrosever” do të fillojë instalimin e njehsorëve të rinj intelig...
-
Përparim Rama: Deri në transformim, ish-ndërtesa e Gërmisë do të shërbejë për ekspozita
Kryetari i Komunës së Prishtinës, Përparim Rama, ka publikuar pamje nga punim...
-
Selmanaj: Kam dëgjuar se në burgun e Dubravës po u duhet të presin nga 10 ditë për t’u pastruar
Deputeti nga radhët e Lidhjes Demokratike të Kosovës, Driton Selmanaj, tha se...
-
Raporti i Borell për çështjen e masave ndaj Kosovës në përfundim e sipër, pritet t’u dorëzohet shteteve
Zëdhënësi i Bashkimit Evropian, Peter Stano, ka thënë se Brukseli zyrtar e ka...
-
Mblidhen zëvendësministrat në Strasburg, s’dihet nëse Kosova është agjendë
Në Strasburg, sot pritet të takohen zëvendësministrat e Jashtëm të vendeve an...
-
23 vjeçari nuk respektoi masën mbrojtëse, Policia në Ferizaj ia konfiskon veturën dhe e gjobitë me 500 euro
Policia e Kosovës ka gjobitur një shofer të moshës 23-vjeçare në Ferizaj, meq...
-
Ramush Haradinaj kujton “Betejën e Çabratit”: Gjakova, vatër e atdhedashurisë dhe shqiptarisë ndër breza
Kryetari i Aleancës për Ardhmërinë e Kosovës, Ramush Haradinaj, në kujtim të ...