Lushi i kundërpërgjigjet Majkos, pasi e kritikoi Kurtin për bashkim kombëtar: Të kam vëlla, dil në pension
Autori: Gazeta inFokus 20:04 | 19 February 2021
Uk Lushi, analist politik shqiptaro-amerikan, njëherit edhe ish-pjesëtar i batalionit Atlantiku, i ka reaguar ministrit të Shtetit për Diasporën, për kritikën që ia ka bërë kreut të VV’së, Kurtit, lidhur me idenë e bashkimit kombëtar.
Lushi, me anë të ‘Facebook’-ut, e ka pyetur publikisht ish-kryeministrin se pse nuk reagonte kur “shefi i tij Edi Rama propozonte një President të Përbashkët për Republikën e Kosovës dhe Shqipërisë dhe një politikë të përbashkët sigurie të tyre”.
Ai ka kërkuar nga Majko pensionimin nga politika, teksa e ka quajtur atë hipokrit.
Në një intervistë në Euronews Albania, ish-kryeministri Majko deklaroi se diskutime të tilla, krijojnë probleme me aktet ndërkombëtare që garantojnë stabilitetin e Kosovës dhe e cilësoi idenë e bashkimit kombëtar një ide që ka ekzistuar në shekullin e kaluar.
“Unë mendoj se z. Kurti ka vetëm një prioritet, të drejtojë si shtetar dhe kryeministër shtetin e Kosovës, nuk besoj se i bëjnë punë histori të natyrave të tilla. Nuk ka pse krijon lidhje të natyrave të çuditshme me ide që kanë ekzistuar në shekullin e kaluar, e kam fjalën në vitet ’80 dhe ’90 për bashkimin e Kosovës me Shqipërinë, jo se unë nga pikëpamja emocionale ndihem ndryshe nga z. Kurti, por unë mendoj se diskutime të natyrave të tilla, do të krijonin probleme me aktet ndërkombëtare që garantojnë stabilitetin e Kosovës. E kam fjalën për akte që garantojnë prezencën e NATO-s në Kosovë dhe paketën Ahtisari”, tha ish-kryeministri i Shqipërisë.
Postimi i plotë i Uk Lushit:
Interesant, ish-kryeministri Pandeli Majko, kur shefi i tij Edi Rama propozonte një President të Përbashkët për Republikën e Kosovës dhe Shqipërisë dhe një politikë të përbashkët sigurie të tyre, pra një Ushtri, Majko nuk lëshonte asnjë zë se kjo mund të ishte problem lidhur me aktet ndërkombëtare për Kosovën në shkurtin e vitit 2018.
Sot, Pandeliu, e paska sulmuar Albin Kurtin, kryeministrin në ardhje në Prishtinë, vetëm pse Kurti, hapur dhe demokratikisht, para disa ditësh, si mijëra herë më parë, shprehu vullnetin e shumicë së shqiptarëve për një aspiratë të interesit më vital shqiptar.
I ulët ky sulm? Po, padyshim. Por, për më keq, lakuriqësisht hipokrit.
Pse Majko nuk sulmonte njëjtë Edi Ramën më 2018, pasi paska vendosur të vihet në anën e akteve dhe traktateve ndërkombëtare dhe demek në favor të Kosovës?!
Z. Majko, është mu kjo hipokrizi dhe mosguximi i establishmenteve në Prishtinë dhe Tiranë, pse ju do të dhe duhet të largoheni nga politika pas më shumë se 30 vitesh në fronin e politikës.
Me këtë hipokrizi dhe kundërvënie të ulët Albin Kurti nuk largohet nga fuqia pushtetore, por kështu shpejt do të jetë ose vetë ose me njerëz si ai dhe ithtarët e tij forcë e rëndësishme edhe në Kuvend e edhe Qeveri midis Tirane.
Nëse keni ndonjë dijeni qeverisëse, ndonjë projekt administrativ apo propozim për projekt multimiliardësh botor mes shtetit të Kosovës dhe atij të Shqipërisë, aty dhe me ato konkurroni me Albin Kurtin, por jo duke e sulmuar Kurtin dhe jo Ramën pse të dy duan të dëgjojnë vullnetin e lirë dhe legjitim se çka duan shumicat e popullit në të dy anët e kufirit shqiptaro-shqiptar.
Koha e juaj po përendon. Lejoni shqiptarët e rinj t’a çojnë kombin shqiptar në fazën e ardhme historike. Sulmi yt sot nuk e ka qëllim mbrojtjen e Kosovës dhe akteve ndërkombëtare sepse po të ishte ashtu do sulmoje edhe Edi Ramën. Sulmi yt i sotëm është edhe frikë nga zgjimi i ri edhe paaftësi t’i kundërvihet Kurtit ashtu si duhet t’i kundërvihet një opozitar i ditur pozitarit në ardhje.
Të kam vëlla Pandeli dhe ngase të dua, të lutem, shko në pension. Pa hipokrizinë tënde sot, meqë sulmon Kurtin ndonëse nuk guxoje ta sulmoje Ramën, pensionimi yt do të kishte qenë më i mirë, por megjithatë pensionin e meriton.
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...