Kandidati i LDK-së për deputet nga Suhareka, Sali Asllanaj, ka thënë se rrëzimi i qeverisë Kurti, nuk ka ndodhur për shkak të LDK-së por për shkak të disa faktorëve të jashtëm. Në takim me srukturat e nëndegës në fshatin e tij të lindjes Gjinoc, Asllanaj , ka thënë se miqësinë e Kosovës me SHBA-të, nuk mund ta prishë askush.

“Miqësia me Amerikën është e e hershme.

Sic ka thënë edhe Ibrahim Rugova, miqësia me Amerikën është e përhershme, dhe nëse e harrojmë kontributin e Amerikës ne e harrojmë historinë.

-Advertisement-

Me Amerikën në krah ne jemi te sigurt që askush nuk na cënon, por pa Amerikën ne jemi shumë të dobët”, ka thënë Asllanaj.

Asllanaj tutje ka thënë se LDK është parti e dëshmuar për ruajtje të shtetit. Në takim me banorët e fshatit Maqitevë, kandidati i LDK-së për deputet, ka shprehur bindjen se me përkrahjen që po e gjenë gjithandej, LDK është parti e fortë.

“Nuk e bllokojmë shtetin, ne do ofrojmë zgjidhje, a do të jemi apo jo në qeveri nuk ka rëndësi ne do ta ruajmë shtetin.

Besoj që edhe nga këto zgjedhje ne do të jemi parti e fortë dhe këtë po e shoh edhe nga mbështetja e juaj. LDK-në duhet t’ua lëmë trashëgimi edhe gjeneratave të ardhshme, nipave dhe mbesave tanë”, ka thënë tutje Asllanaj.

Ish kryetari i Komunës së Suharekës gjatë ditës takoi edhe banorët e fshatit Bllacë. Ai ftoi të gjithë qytetarët që të dielen të dalin në zgjedhje, dhe të votojnë LDK-në.

“Mos pritoni me dalë të dielen në zgjedhje , ju lus të gjithëve që te kontaktoni e takoni të gjithe miqët e dashairët tuaj, dhe t’i ftoni të votojnë për LDK-në që të korrim fitore bindëse.po ju garantoj që lista e LDK-së është më e mira”, ka thënë Asllaaj

Ish-kryetari i Komunës së Suharekës për tri mandate, Sali Asllanaj, ka vendosur që t’i futet edhe njëherë garës për deputet, gjersa në listën zgjedhore të LDK-së Asllanaj mban numrin 41.

Ai ishte deputet edhe në legjislaturën e viteve 2010 – 2013 të Kuvendit të Kosovës.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-