Armend Zemaj iu bashkohet mashtruesve, bëhet “Misionar i Paqes”
Autori: Gazeta inFokus 14:42 | 28 December 2020
I dekoruar “deri në dhëmbë”, ministri i Shëndetësisë në Kosovë, Armend Zemaj të hënën i është shtuar listës së personaliteteve kosovare që dyshohet se paguan mijëra euro për ta marrë një titull mashtrues “Misionar i Paqes” nga një organizatë e dyshimtë.
Para tij, me krenari kanë paraqitur para qytetarëve medaljet kinse të lëshuara nga Kombet e Bashkuara, edhe kryeministri Ramush Haradinaj, kryetari i Gjilanit Lutfi Haziri, kryetari i Pejës Gazmend Muhaxheri, e ai i Vitisë Sokol Haliti, shkruan gazeta inFokus.
LEXO EDHE: Lutfi Haziri i bashkohet mashtruesve të Kosovës
Të gjithë këta janë bërë “Misionar të Paqes”, dikush “Nelson Mandela”, e dikush “Martin Luther King”, pas Agim Shahinit, njeriut që dyshohet se mashtroi me mbi gjysmë milioni euro bankat kosovare dhe që së fundmi mori “Medaljen e Artë Aktivist i Shkëlqyer i Njerëzimit” nga po e njëjta organizatë mashtruese.
Misioni Diplomatik për Paqe dhe Prosperitet nga e cila Armend Zemaj e mori çmimin “Misionar i Paqes dhe zhvillimit Martin Luther King” dyshohet për shitje të titujve në emër të Organizatës së Kombeve të Bashkuara (OKB).
Sipas një hulumtimi të emisionit investigativ italian “Strisca la notizia”, del se kjo organizatë jep çmime me titujt si diplomatë të OKB-së në shkëmbim të 7 mijë eurove, shkruan gazeta inFokus.
Sipas emisionit protagonist i këtij skandalit është Shefki Hysa, një personazh i dyshuar për mashtrime, që mban një titull si guvernator i Misionit Diplomatik për Paqe dhe Prosperitet.
Hysa është bërë i njohur për media për shkak të aktiviteteve të tij të dyshimta duke shpërndarë tituj fiktiv si ‘Diplomat i OKB-së”, “Konsull Nderi i OKB-së e “Misionar i Paqes i OKB-së”, e madje posedim të tabelave diplomatike.
I njëjti të hënën shihet duke thurur lavde për ministrin Armend Zemaj, si ministri më i mirë në Kosovë dhe Ballkan kundër COVID-19, shkruan gazeta inFokus.
“Kemi nderin të kemi në mes nesh një personalitet që vjen nga një familje luftëtare, nga një familje heroinë e Kosovës, siç është familja e Tahir Zemajt. Armend Zemaj është nipi I tij, është jo vetëm një politikan, një ministër vërtetë model për Kosovën por do të thosha edhe më gjerë. Një ministër që ka ditur me inteligjencën e vet, me alturizmin e vet të luftoi këtë factor negativ që sot kemi nëpër këmbë”, ka thënë Hysa në ceremoninë e ndarjes së çmimit.
Ndërkaq, Zemaj ka pohuar se për të gjithë suksesin e arritur gjatë kësaj periudhe të vështirë për të gjithë popujt e botës, falënderim i veçantë i takon qytetarëve të Kosovës, mjekëve, profesionistëve shëndetësor, Policisë së Kosovës dhe të gjithë atyre që janë angazhuar në frontin e përbashkët kundër COVID-19.
Gazeta Infokus ka provuar të flas me Zemajn lidhur me çmimin dhe dyshimet për organizatën e cila e dekoroi atë, por ai nuk ka qenë I qasshëm.
Ndërkaq, nuk është hera e parë që politikanë e personalitete tjera publike në Kosovë dekorohen ngjashëm nga organizata të dyshimta.
Ka një vit që me krenari Marjan Dema e ka varur në murin e zyrës dekoratën “Ambasador i Paqes, Edukimit dhe Shkencës”.
Por, si titulli ashtu edhe organizata me seli në Bazel të Zvicrës, e udhëhequr nga indoneziani Djuyoto Suntani, dyshohet të janë pjesë e një skeme të gjerë mashtrimi nëpër botë.
Gazeta Infokus ka gjetur se në të kaluarën, e njëjta organizatë, ka ndarë çmime edhe për figura tjera publike në Kosovë, të cilat dyshohet se kanë paguar para në këmbim të çmimeve të ngjashme.
Faqja zyrtare e kësaj organizate, është përplot fotografi të aktiviteteve të përbashkëta të Djuyoto Suntani me Shefki Hysën. /Gazeta Infokus/
Të tjera
-
Ligji për çmimet e barnave nuk gjen zbatim, qytetarët ankohen – MSH sqarohet
Pacientët në Kosovë janë të detyruar të lëvizin nga një barnatore në tjetrën ...
-
Klinika e Kirurgjisë Vaskulare vitin e kaluar kreu rreth 1 mijë e 300 operacione të suksesshme
Drejtori i Klinikës së Kirurgjisë Vaskulare, Hajriz Rudari, ka bërë të ditur ...
-
Arrestohet një i mitur në Podujevë, go*iti me çekan të miturin
Një i mitur në Bradash të Podujevës është arrestuar pasi i njëjti pas një mos...
-
Pas takimit në Athinë, kryeministri Rama mbledh sot bashkëatdhetarët në Milano
Kryeministri Edi Rama vijon ditën e sotme turin e takimeve me diasporën. P...
-
Policia shqipton mbi 1 mijë 500 qind gjoba në trafik brenda 24 orëve
1572 gjoba trafiku janë shqiptuar gjatë 24 orëve të fundit në Kosovë. Sipa...
-
Java e ardhshme me diell e me shi në Kosovë
Java që po vjen, në Kosovë parashihet që të mbajë mot kryesisht me diell, por...
-
Gruaja në Gjilan dyshohet se u dhu*ua dhe u grabit nga dy persona të maskuar
Policia ka njoftuar se një nënë me djalin e saj, derisa ishin duke ecur rrugë...
-
Arrestohet një i mitur në Podujevë, keqtrajtoi sek*ualisht të miturën
Një i mitur në Podujevë është arrestuar pasi i njëjti ka keqtrajtuar seksuali...
-
U kap në flagrancë duke kryer vjedhje në market, arrestohet i dyshuari në Ferizaj
Është arrestuar një person në Ferizaj, pasi ishte kapur në flagrancë duke kry...
-
Raporti i ICG-së: Normalizimi Kosovë-Serbi kyç për stabilitetin në rajon, prania e NATO-s ende e nevojshme
Organizata joqeveritare “International Crisis Group”, së fundmi ka dalë me nj...
-
Djali ushtron dhu*ë psiqike ndaj nënës në Pejë, arratiset
Një grua ka raportuar në polici se djali i saj ka ushtruar dhunë psiqike ndaj...
-
E go*et vajzën e tij dyvjeçare, arrestohet mitrovicasi
Është arrestuar një burrë në Mitrovicë të Veriut, i cili dyshohet se ka godit...