Ekonomi

Alarmon BSPK: Ekonomia e Kosovës po fundoset

Autori: L. Abazi 15:22 | 26 November 2020

Kosova po përballet me rënie të madhe në ekonomi, si rezultat i pandemisë që ka përfshirë gjithë botën, shkruan Gazeta inFokus.

E dy sektorët më të prekur janë gastronomia dhe ndërtimtaria.

Këtë e ka konfirmuar edhe Kryetari i Bashkimit të sindikatave të Pavarura të Kosovës, Avni Ajdini për Gazetën Infokus.

-Advertisement-

Sipas tij numër i madh i punëtorëve janë larguar nga puna nga këta sektorë.

“Gjatë pandemisë ndërtimtaria dhe gastronomia kanë pësuar më së tepërmi. Nuk kemi shifra se sa persona kanë humbur punën gjatë vitit 2020. Mirëpo numri i tyre është i madh”, ka thënë Ajdini.
Sipas tij gjendja në Kosovë është alarmante.

“Gjendja është alarmante që tani e nëntë muaj. Deri tani këto dy federata sindikale kanë pësuar më së shumti”, ka shtuar Kryetari i BSPK-së.

Ai është i pakënaqur me mos miratimin e pakos ekonomike.

“Apeloj tek deputetëve që të merret vendimi, për hir të punëtoreve pasi i gjithë zhvillimi ekonomik varet i gjithi nga puna e punëtoreve. Apeloj tek deputetët që mos ti shikojnë xhepat e veta të përmbushura që i kanë, por ti shikojnë xhepat e zbrazëta dhe të shqyera sikur punëtoret”, ka përfunduar Avni Ajdini. /Gazeta inFokus/