Apeli vendos në favor të Blerim Devollit, ia mer 25 milionë Telekomit
Autori: Gazeta inFokus 12:40 | 26 October 2020
Gjykata e Apelit e ka refuzuar si të pathemeltë ankesën e Telekomit të Kosovës ndaj vendimit të shkallës së parë, me të cilën, ishte lënë në fuqi urdhri për caktimin e përmbarimit për një shumë afër 25 milion eurove. Këtë shumë, Telekomi i Kosovës obligohet që t’ia paguajë kompanisë “Dardafon.net”, pronare e Z-Mobile.
Gjykata Themelore në Prishtinë, në korrik të këtij viti kishte aprovuar pjesërisht prapësimin e Telekomit të Kosovës, ashtu që kishte shfuqizuar urdhrin për caktimin e përmbarimit të përmbaruesit privat Ilir Mulhaxha, për shumën në lartësi prej 315,996.85 euro.
Por, Themelorja e kishte refuzuar prapësimin e Telekomit për sa i përket shumës prej 24,685.003.15 euro dhe për këtë pjesë, urdhrin për caktimin e përmbarimit të lëshuar nga përmbaruesi Mulhaxha e kishte lënë në fuqi.
Kundër këtij vendimi të shkallës së parë, ankesë në Apel ka ushtruar Telekomi i Kosovës, për shkak të pretendimeve se shkalla e parë kishte shkelur dispozitat e procedurës përmbarimore dhe kishte zbatuar në mënyrë të gabuar të drejtën materiale.
Telekomi i kishte propozuar Apelit që të aprovojë ankesën dhe këtë çështje ta kthej në rivendosje në shkallë të parë.
Mirëpo, gjyqtari i kësaj lënde në Apel, njëherësh edhe Kryetar i Gjykatës së Apelit, Hasan Shala, me vendimin e marrë më 8 tetor 2020, e ka refuzuar ankesën e Telekomit si të pabazuar.
Sipas Apelit, gjykata e shkallës së parë, në bazë të provave të cilat gjenden në shkresat e lëndës ka marr aktvendim të drejtë dhe të bazuar.
Në vendimin e Apelit thuhet se në rastin konkret, përmbarimi është lejuar në bazë të vendimit përfundimtar të Arbitrazhit, i nxjerrë më 9 dhjetor 2016 dhe i cili është njohur dhe shpallur i ekzekutueshëm nga Gjykata Themelore në Prishtinë më 11 shkurt 2018. I njëjti, sipas vendimit të Apelit, i plotëson kushtet sipas dispozitave ligjore për të qenë dokument përmbarues.
Sipas Apelit, nuk qëndron pretendimi se vendimi final i Arbitrazhit nuk posedon klauzolën e përmbarimit pasi që sipas Apelit, me dispozitat e Ligjit për Procedurën Përmbarimore, si dokumente përmbarimore parashihen edhe vendimet e gjykatave të huaja të arbitrazhit dhe ujditë e arritura para gjykatave të tilla të cilat janë pranuar për përmbarim brenda territorit të Republikës së Kosovës.
Po ashtu, në vendimin e Apelit thuhet se nuk qëndron pretendimi i Telekomit të Kosovës, se në shkresat e lëndës gjendet edhe një marrëveshje e ekzekutimit të vendimit përfundimtar të Arbitrazhit 20990/MHM, e nënshkruar mes kreditorit dhe debitorit më 24 maj 2017 dhe se e njëjta paraqet statutin e dokumentit përmbarimor dhe se nuk mund të shfuqizohet me deklarim të thjeshtë të njërës palë.
Kjo pasi sipas Apelit, Telekomi si debitor në këtë rast, nuk i është përmbajtur marrëveshjes në fjalë për çka kreditori ka bërë shkëputjen e marrëveshjes dhe njëherit ka iniciuar procedurën për njohjen e vendimit të arbitrazhit nr.20990/MHM nga gjykata e vendit si dhe ekzekutimin e tij konform dispozitave ligjore në fuqi.
Në fund, Apeli i ka refuzuar si të pabazuara edhe pretendimet e Telekomit se me precizimin e kërkuar nga ana e kreditorit është krijuar vlerë e re përmbarimit, pasi siç thuhet në vendimin e shkallës së dytë, precizimi i borxhit është bërë në përputhje me vendimin e Arbitrazhi si dhe pagesave të realizuara nga debitori në dobi të kreditorit me qëllim të përmbushjes së detyrimit.
“Duke marr parasysh pretendimet tjera ankimore të cilat konsistojnë ndaj aktvendimi të atakuar, gjykata e shkallës së dytë konsideron se këto pretendime ankimore janë të pabazuara, ngase nuk kemi të bëjmë me shkelje thelbësore të dispozitave të Ligjit të Procedurës Përmbarimore dhe as të Ligjit të Procedurës Kontestimore, të cilat shkelje kjo gjykatë i vështron sipas detyrës zyrtare në kuptim të nenit 194 të LPK-së” – thuhet në vendimin e Apelit.
LEXO EDHE: EKSKLUZIVE: Telekomi po hetohet për 14 marrëveshje të dyshimta që e shkatërruan kompaninë (DOKUMENT)
Të tjera
-
Këshilli i Mediave të Shkruara i shqetësuar me regresin e Kosovës në indeksin e Reporterëve pa Kufij
Këshilli i Mediave të Shkruara të Kosovës ka reaguar për regresin e Kosovës n...
-
Regresi në lirinë e mediave, Rohde: Rënie alarmante, mediat duhet të mbrohen e jo të kontrollohen
Kosova ka rënë për 19 vende në Indeksin vjetor për lirinë e shtypit të organi...
-
Kërkesa e kahmotshme: Komuna e Zveçanit siguron transport për nxënësit
Komuna e Zveçanit ka siguruar transport për nxënësit e arsimit fillor dhe të ...
-
Reporterët pa Kufij për Serbinë: Gazetarët janë të ekspozuar ndaj kërcënimeve të nxitura nga përfaqësuesit më të lartë të qeverisë
Liria e medias në Serbi është në nivelin më të ulët që nga lansimi i Indeksit...
-
Flutura Kusari për raportin e Reporterëve pa Kufij: Njollë e zezë në historinë e re të Kosovës
Kosova ka shënuar një rënie prej 19 vendesh në Indeksin vjetor për Lirinë e S...
-
Arrestohet një person, goditi me veturë disa gra në Graçanicë
Policia e Kosovës ka arrestuar një burrë në Gracanicë pasi dyshohet se ka god...
-
Aksident në magjistralen Prishtinë-Mitrovicë
Mëngjesin e sotëm në magjistralen Prishtinë-Mitrovicë ka ndodhur një aksident...
-
Ambasadori finlandez: Anëtarësimi i Kosovës në NATO do bëhet realitet
Ambasadori i Finlandës në Kosovë, Matti Nissinen, beson shumë se edhe Kosova ...
-
Kosova shënon rënie për 19 vende në indeksin e lirisë së medieve nga Reporterët Pa Kufij
Asociacioni i Gazetarëve të Kosovës ka thënë se Kosova ka shënuar regres alar...
-
Erdogan e quajti Netanyahun “Hitler”, Turqia ndalon tregtinë me Izraelin! Kryeministri Izraelit: Ai po mban në burg gazetarë e kryen gjenocid ndaj…
Turqia ka pezulluar të gjithë tregtinë me Izraelin për shkak të ofensivës së ...
-
Aksident i frikshëm! Shoferi harroi të vendoste frenat e dorës, kamioni pa kontroll plagos 29 nxënës/PAMJE
Një aksident i tmerrshëm që plagosi rëndë 29 nxënës të moshës 9 deri në 16 vj...
-
Avokatët e ish-presidentit Trump fillojnë sulmin ndaj ish-avokatit të tij Michael Cohen
Avokati mbrojtës i ish-presidentit Donald Trump përgatiti të enjten terrenin ...