3 mijë e 712 kosovarë shkuan për të jetuar në Shqipëri në vitin 2023, kryesisht për bashkim familjar
Autori: Gazeta inFokus 20:40 | 23 August 2024
Shqipëria sa vjen e po bëhet një vend i preferuar nga të huajt për të jetuar e punuar.
Numri i të huajve që kanë marrë leje qëndrimi në Shqipëri është rritur ndjeshëm në vitin 2023, sipas të dhënave të INSTAT, me dominim të shtetasve të Kosovës, Italisë dhe Turqisë.
Ndërsa italianët vijnë kryesisht për të punuar, apo studiuar, turqit kryesisht për të punuar, shtetasit e Kosovës vijnë më shumë për arsye të bashkimit familjar. Në Shqipëri po vijnë dhe shtetas indianë, që janë të gjithë për të punuar.
Sipas INSTAT, në fund të vitit 2023, numri i të huajve me leje qëndrimi në Shqipëri rezultoi 21.460 banorë, duke pësuar rritje me 18,2%, krahasuar me vitin 2022. Rreth gjysma e tyre janë në Shqipëri për të punuar.
Numri i të huajve me leje qëndrimi dominohet nga meshkujt me 63,8%, kundrejt femrave me 36,2%. Numri i aplikimeve për leje qëndrimi në Shqipëri në vitin 2023 ishte 12.430 aplikime, duke shënuar një rritje me 22,7%, krahasuar me vitin 2022.
Të huajt me origjinë nga Kosova, Italia dhe Turqia përbëjnë numrin më të madh të të huajve me leje qëndrimi në Shqipëri në vitin 2023, respektivisht me 3.712, 3.375 dhe 1.693 banorë.
Të huajt me origjinë nga Evropa rezultojnë 15.223 banorë në vitin 2023 dhe përbëjnë 70,9% të të huajve gjithsej, kundrejt 73,3% që përbënin në 2022.
Punësimi është arsyeja kryesore e lejeve të qëndrimit të të huajve në Shqipëri në 2023 me 48,3%. Në vitin 2023 janë evidentuar 6.630 të huaj të parregullt në territorin e vendit, ku pjesën më të madhe të tyre, rreth 44,0%, e zënë të huajt me origjinë nga Afganistani dhe Siria.
Të huajt në Shqipëri
Gjatë vitit 2023, numri i të huajve me leje qëndrimi përbëhet nga 13.691 meshkuj dhe 7.769 femra.
Grup-mosha dominante e të huajve me leje qëndrimi është 30-39 vjeç, e cila përbën 22,5% të të huajve gjithsej me leje qëndrimi.
Numri i aplikimeve për leje qëndrimi në Shqipëri, në vitin 2023 ishte 12.430 aplikime, duke shënuar një rritje me 22,7%, krahasuar me vitin 2022. Aplikimet sipas vendit të origjinës nga Kosova dhe Italia përbëjnë 28,5% të aplikimeve gjithsej në 2023.
Të huajt në Shqipëri sipas kontinenteve
Të huajt me leje qëndrimi në Shqipëri sipas vendit të origjinës kryesohen në vitin 2023 nga vendet e Evropës, duke zënë 70,9% të të huajve gjithsej. Të huajt me origjinë nga Evropa janë 15.223 persona, duke shënuar një rritje me 14,5%, krahasuar me 2022. Të huajt me origjinë nga Azia janë 3.784, duke shënuar një rritje me 43,3%, krahasuar me 2022. Të huajt me origjinë nga Amerika, Afrika dhe Oqeania janë 2.453, duke pësuar një rritje me 10,8%, krahasuar me vitin 2022.
Të huajt në Shqipëri sipas vendit të origjinës
Në vitin 2023, të huajt me origjinë nga Kosova janë 3.712 banorë, duke shënuar një rritje me 31,2%, krahasuar me 2022, ndërsa të huajt me leje qëndrimi në Shqipëri me origjinë nga Italia janë 3.375 banorë, duke shënuar një rritje me 14,5%, krahasuar me 2022.
Gjysma vijnë për të punuar, italianët dhe studiojnë
Në vitin 2023 të huajt me leje qëndrimi për arsye punësimi zënë 48,3% të të huajve gjithsej, ndjekur nga arsyet për bashkim familjar me 22,2%, arsyet të tjera me 13,3%, arsyet për qëllime humanitare me 12,4% dhe arsyet për studime 3,7%.
Te të huajt me leje qëndrimi në Shqipëri me origjinë nga Italia, përveç arsyes për punësim (49,0%) vihet re edhe një dominim i arsyes për studim (17,7%).
Të huajt me origjinë nga Kosova kryesohen nga arsyet për bashkim familjar (43,5%) dhe arsyet të tjera (32,4%).
Të huajt me origjinë nga Turqia kryesohen nga arsyet për punësim (71,1%) dhe arsyet për bashkim familjar (25,8%).
Të huajt me origjinë nga SHBA dhe India dominohen nga arsyet për punësim , respektivisht me (62,6% dhe 95,7%).
Të huajt e parregullt
Të huajt e parregullt të evidentuar në territorin e Shqipërisë ose në kufi, pa dokumentacionin e nevojshëm rezultojnë 6.630 persona në 2023, kundrejt 8.335 personave në 2022.
Të huajt e parregullt sipas vendit të origjinës në 2023 kryesohen nga vende si Afganistani me 1.610 persona, Siria me 1.305 persona, Pakistani me 969 persona, Bangladeshi me 792 persona, Somalia me 475 persona dhe Maroku me 156 persona./Monitor.al
Të tjera
-
Osmani për kërcëniṁet e Vuçiqit: Do të përballet me institucionet e Kosovës, nuk ka kthim mbrapa
Presidentja e vendit, Vjosa Osmani ka folur për kërcënimet e presidentit serb...
-
Moti nesër dhe ditëve në vazhdim
Reshjet e shiut mund të fillojnë sonte gjatë natës në Shqipëri dhe Dukagjin d...
-
Deputeti i VV-së: Aktakuza kundër Radoiçiqit u vonua shumë, kjo na dëmtoi në dialog
Deputeti i VV-së, Arbër Rexhaj, e ka kritkuar Prokurorinë duke thënë se aktak...
-
Lekaj: Unë i them Kurtit hape urën e nesër aty më ka
Deputeti i Kuvendit të Kosovës nga Aleanca për Ardhmërinë e Kosovës, Pal Leka...
-
Shqiptarët protestojnë më 23 shtator në Preshevë, Sinani: Marshojmë për barazi dhe drejtësi
Kryetarja e komunës së Preshevës, Ardita Sinani, ka paralajmëruar protestën e...
-
“Mshele gojën, unë po flas”, ”S’je kurrkush me më ofendu”- përplasje në emision për religjionin
Historiani Azdren Shala, ka thënë se në vitin 2011, disa hoxhallarë kanë bërë...
-
ShBA’ja mirëpret ngritjen e aktakuzës për Banjskën, vlerëson punën e Prokurorisë dhe Policisë
Ambasada e Shteteve të Bashkuara të Amerikës vlerëson punën e Prokurorisë Spe...
-
Gjini: Serbia kurrë s’ka desht me ba asociacionin, po e kanë gjetë një njeri n’Kosovë…
Nënkryetari i AAK’së, Ardian Gjini thotë se Serbia asnjëherë nuk ka desht të ...
-
E ekzagjeron Brnabiq, akuzon Kurtin se dëshiron të nis luftë me Serbinë: Situata në Kosovë është më e rënda deri tani
Kryetarja e Kuvendit të Serbisë, Ana Brnabiq, thotë se situata në Kosovë ësht...
-
Ky është personi që e bleu patentë shoferin e falsifikuar për 400 euro, përfundon në ndalim
Njësia për Hetimin e Krimeve Ekonomike dhe Korrupsionit në Policinë në Gjilan...
-
Mediat serbe: Vuçiq nesër mund ta shpallë Kosovën “një territor të pushtuar”
Kështu raportojnë media të shumta në Beograd lidhur me konferencën që do të m...
-
Ushtarët gjermanë të KFOR-it kryejnë trajnime për kontrollin e trazirave
Misioni i NATO-s në Kosovë, KFOR-i, ka mbajtur sot një trajnim për kontrollin...