Sport

100 mln € borxhe, Mbappe “ultimatum” PSG-së: Deri në fund të muajit ju pres

Autori: Gazeta inFokus 15:55 | 22 June 2024

Kylian Mbappe i dha fund aventurës 7-vjeçare me PSG-në dhe firmosi si lojtar i lirë me Realin e Madridit. Duke realizuar më në fund ëndrrën e fëmijërisë për të luajtur në “Santiago Bernabeu”.

Ama, sulmuesi francez nuk ka mbyllur çdo llogari me kampionët e Francës. Dhe pretendon rreth 100 mln euro borxhe nga drejtuesit e PSG-së.

Shumë ku përfshihen disa paga të padhëna dhe shpërblime të lidhura me arritjet personale dhe të skuadrës, që nuk i ka marrë ende.

-Advertisement-

L’Equipe raporton se Mbappe ka njoftuar klubin me anë të një shkrese zyrtare dhe pret që milionat t’i kalojnë në llogarinë bankare deri në fund të muajit.

E përditshmja franceze bën të ditur se bëhet fjalë për pagat e muajit prill dhe maj, si edhe bonusin e besnikërisë të rënë dakord me rastin e rinovimit të fundit në maj 2021.