Lajme

​10 milionë ukrainas pa energji pas sulmeve ruse

Autori: Gazeta inFokus 08:38 | 18 November 2022

Presidenti i Ukrainës, Volodymyr Zelensky ka thënë se 10 milionë ukrainas janë pa energji elektrike pas një vale të re të sulmeve me raketa nga Rusia.

Të paktën shtatë persona u vranë në sulme, ndërsa numri pritet të rritet, shkruan BBC.

“Ne po bëjmë gjithçka për të normalizuar furnizimin. Mbrojtja ajrore e Ukrainës arriti të rrëzojë gjashtë raketa lundrimi dhe pesë dronë” tha Zelensky në fjalimin e tij të natës.

-Advertisement-

Të enjten, Rusia goditi Ukrainën me një breshëri të re raketash, duke goditur më shumë instalime energjetike dhe ndërtesa të tjera civile më pak se dy ditë pas një prej bombardimeve të saj më të rënda deri më tani.

Shtatë persona vdiqën kur një raketë goditi bllokun e tyre të apartamenteve në Vilnyansk, pranë qytetit jugor të Zaporizhzhia, tha presidenca ukrainase.

Një fabrikë prodhimi gazi në lindje dhe një fabrikë raketash në Dnipro ishin ndër objektivat e fundit, thonë zyrtarët.

Ata që vuajnë nga ndërprerjet e energjisë janë kryesisht në kryeqytet, Kiev, në qytetin perëndimor të Vinnytsia, në qytetin port të Odesa-s në jug-perëndim dhe në Sumy në veri-lindje.

Zelensky akuzoi Rusinë për shkatërrimin e furnizimeve të njerëzve të tij me energji elektrike dhe ngrohje.

Udhëheqësi ukrainas përsëriti thirrjet e tij për partnerët e Ukrainës që të ofrojnë “mbrojtje të plotë të qiellit të Ukrainës”, duke thënë se një gjë e tillë do të inkurajonte Rusinë t’i jepte fund luftës.

Moska ka kërkuar të justifikojë sulmet e saj të fundit duke akuzuar Kievin për “mosgatishmëri” për të negociuar.

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme