Zelensky: Luftimet në Donbas, më të vështirat
Autori: Gazeta inFokus 17:12 | 06 December 2022
Presidenti ukrainas, Volodymyr Zelensky, vizitoi të martën frontet e luftës në afërsi të Sllovijanskut, në rajonin e Donjeckut, në lindje të Ukrainës.
Ai tha se luftimet në këtë zonë janë “të vështira”, pasi forcat ruse po tentojnë të marrin qytetin industrial të Bahmutit.
Vizita e Zelenskyt vjen në kohën kur presidenti rus, Vladimir Putin, mblodhi këshillin e tij të sigurisë, pas disa sulmeve me dronë në ndërtesat ushtarake brenda territorit të Rusisë.
Luftimet në Ukrainë janë përqendruar në Donbas, pasi muajin e kaluar forcat e Kievit rimorën kontrollin e qytetit të Hersonit. Rimarrja e Hersonit pasoi tërheqjen e forcave ruse nga ky qytet.
Zelensky u shfaq në një video, duke kërkuar që të mbahej një minutë heshtje për të nderuar ushtarët e vrarë ukrainas.
“Sot, lindja e Ukrainës është fronti më i vështirë. Unë jam i nderuar të jem këtu me trupat tona mbrojtëse në Donbas. Besoj se herën tjetër kur të takohemi, do të takohemi në Donjeckun, Luhanskun dhe Krimenë e Ukrainës”, tha Zelensky.
Forcat ruse dhe separatistët pro-rusë kanë kontrolluar pjesë të Donjeckut dhe Luhanskut që nga viti 2014, kur nisën luftimet mes separatistëve dhe forcave ukrainase, pas aneksimit rus të Krimesë.
Zelensky ka vizituar disa fronte në rajone të ndryshme, që kur nisi pushtimi rus i Ukrainës nëntë muaj më parë. Gjatë qëndrimit në Herson, që gjendet në jug të shtetit, ai deklaroi se rimarrja e këtij qyteti ishte “fillimi i fundit të luftës”.
Por, në kohën kur Zelensky po qëndronte në Donbas – që përbëhet nga Donjecku dhe Luhansku – në Kremlin, Putin u takua me zyrtarët e lartë për të diskutuar për “sigurinë e brendshme”. Ai tha se Rusia duhet të ndërmarrë masa “të nevojshme” për t’u mbrojtur nga ato që ai i cilësoi si sulme ukrainase.
Zyrtarët në rajonin Kursk të Rusisë – që gjendet pranë kufirit me Ukrainën – më herët gjatë 6 dhjetorit thanë se nga një sulm me dronë afër një baze ajrore, është shkaktuar zjarr në një depo të naftës.
Një ditë më parë, Ministria e Mbrojtjes së Rusisë tha se Ukraina kishte tentuar të sulmonte një bazë ajrore në rajonin Riazan dhe një në rajonin Saratov./REL
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...