Zelensky e cilëson “jashtëzakonisht simbolike” vizitën e kryeministrit spanjoll
Autori: Gazeta inFokus 14:54 | 01 July 2023
Presidenti i Ukrainës, Volodymyr Zelensky, falënderoi më 1 korrik kryeministrin e Spanjës, Pedro Sanchezm për vizitën në Kiev, në ditën kur Spanja nisi presidencën e saj të Bashkimit Evropian.
“Faleminderit për vizitën tuaj të rëndësishme dhe mbështetjen e popullit tonë!” tha Zelensky në rrjetet sociale, pas takimit me kryeministrin spanjoll.
“Është jashtëzakonisht simbolike që kjo vizitë të bëhet në ditën e parë të presidencës spanjolle të BE-së”, shtoi ai.
Kryeministri i Spanjës, që nga sot e deri në fund të këtij viti udhëheq me presidencën e BE-së, u takua edhe me zyrtarë të tjerë të Ukrainës në tentim për ta dështuar mbështetjen e vazhdueshme të bllokut evropian për Ukrainën.
Spanja merr presidencën e BE-së, nuk ndryshon qëndrim ndaj Kosovës
Sanchez e shfrytëzoi këtë vizitë për ta lajmëruar një pako të re të ndihmave për Ukrainën para parlamentit ukrainas. Pakoja e re, në vlerë prej 55 milionë eurosh, synon t’i mbështesë bizneset e vogla dhe shkollat, sipas mediumit spanjoll El Mundo.
Ky udhëtim erdhi ndërkohë që liderët ushtarakë dhe civilë të Ukrainës kanë bërë kërkesa për furnizim me armatim të avancuar, përfshirë avionë luftarakë, për ta mbështetur kundërofensivën e nisur së fundi, pas pushtimit të paprovokuar nga Rusia 16 muaj më parë.
Sanchez u citua të ketë thënë në Kiev se “ne jemi me ju dhe do të jemi për aq kohë sa të ketë nevojë”, duke shtuar se “dua të ju tregoj se do ta mbështesim Ukrainën, pavarësisht çmimit”.
Pas ardhjes së tij, Sanchez e publikoi një video nga një stacion trenash në Kiev ku ai u prit nga një delegacion ukrainas.
“Doja që veprimi i parë i presidencës spanjolle të Këshillit të Bashkimi Evropian të jetë në Ukrainë bashkë me Zelenskyn”, shkroi Sanchez në Twitter.
Sanchez shtoi se ai do ta përçonte në parlamentin dhe qeverinë ukrainase “solidaritetin e të gjithë Evropës”.
“Do ta vazhdojmë mbështetjen tonë për popullin ukrainas deri kur paqja të kthehet në Evropë”, tha ai.
Sanchez raportohet se udhëtoi në Ukrainë përmes Polonisë.
Kjo vizitë vjen pak para një samiti të NATO-s në kryeqytetin e Lituanisë këtë muaj, ku aleatët transatlantikë pritet të përpilojnë një strategji për marrëdhëniet me Ukrainën, e cila ka intensifikuar në thirrjet për anëtarësim në BE dhe NATO që nga fillimi i pushtimit të Rusisë në shkurt të vitit 2022.
NATO-ja nuk pritet të ofrojë anëtarësim në samitin e Vilniusit.
Spanja është anëtare e NATO-s që nga viti 1982 dhe anëtare e Bashkimit Evropian që nga viti 1986. Ajo ishte ndër shtetet e para evropiane që ofroi mbështetje jovdekjeprurëse për ushtrinë ukrainase me dërgesa xhaketash dhe helmetash antiplumb pas nisjes së luftës në Ukrainë./REL
Të tjera
-
Bastisen dy objekte të strukturave paralele serbe në Leposaviq, konfiskohen dokumente e para
Policia e Kosovës ka bastisur sot bastisje në dy objekte të strukturave paral...
-
Çmimet e naftës rriten me 1% në ShBA, shkak ndikimi i uraganit në prodhime
Çmimet e naftës u rritën me më shumë se 1 për qind të enjten, duke zgjatur nj...
-
Dyshohet për sṳlm me laser ndaj pilotit të helikopterit të KFOR-it, aktivizohet Policia e Prokuroria
Rrezikimi i personave nën mbrojtje ndërkombëtare sanksionohet me Kodin Penal ...
-
Osmani: Kosova nuk flirton me akterë keqdashës
Presidentja e Kosovës, Vjosa Osmani,në një intervistë për gazetën gjermane Ta...
-
Rasti Banjska, një person po intervistohet në stacionin policor në jug
Një person me inicialet M.R, është aktulisht duke u intervistuar nga Policia ...
-
Lajçak takohet me këshilltarin e Macronit, pritet diskutimi për dialogun Kosovë-Serbi
Emisari i BE-së për dialogun Kosovë-Serbi, Miroslav Lajçak, pas Prishtinës e ...
-
Orav takohet me përfaqësues të serbëve në veri: Do të punojë që zotimet e Kosovës ndaj komuniteteve të zbatohen
Shefi i ri i zyrës së Bashkimit Evropian në Kosovë, Aivo Orav sot gjatë d...
-
Ajeti e takon Scholzin: Gjermania, një aleat historik dhe tradicional i Kosovës
Ambasadori i Gjermanisë në Kosovë, Faruk Ajeti, sot e ka takuar kancelarin gj...
-
Në ditët në vijim priten rrebeshe shiu në Kosovë, por jo dhe vërshime
Në ditët në vijim në Kosovë, priten reshje e shiu e rënie të temperaturave. ...
-
Gjendet pa shenja jete një grua në Fushë Kosovë
Një trup i pajetë është gjetur në rrugën “Hysen Xhakolli” në Fushë Kosovë. ...
-
Hoxhaj, Lavrovit: Propaganda ruse dhe serbe e ‘spạstrimit etnik’ të serbëve në Kosovë, përpjekje për destabilizim
Nënkryetari i Kuvendit nga radhët e PDK-së, Enver Hoxhaj, ka reaguar ndaj dek...
-
Lavrov: Po tentojnë që serbët t’i dëbojnë në heshtje nga Kosova
Ministri i Jashtëm rus, Sergei Lavrov, ka thënë se serbët e Kosovës janë duke...