Sport

Zbulohet oferta e Milanit për Ibrahimovicin

Autori: Gazeta inFokus 15:13 | 20 November 2018

Sulmuesi suedez, Zlatan Ibrahimovic, mund të kthehet në Milan, pasi që drejtori sportiv i kuqezinjve, Leonardo, ka bërë të ditur se klubi është afër arritjes së një marrëveshjeje me futbollistin, sipas Gazzetta dello Sport.

Oferta e Milanit raportohet se është e vlefshme për gjashtë muaj dhe klubi i ka ofruar pagë prej 2 milionë eurove Ibrahimovicit. Megjithatë, klubi dëshiron që në këtë kontratë ta ketë opsionin për zgjatjen e kontratës edhe për një vit tjetër.

“Ibrahimovici është shumë afër Milanit, ky është një fakt. Tani nuk është momenti i duhur, por është më shumë se vetëm një mendim, ai ka cilësi të veçanta, është një luftëtar dhe i motivon njerëzit rreth tij, si brenda fushës ashtu edhe jashtë saj’, ka thënë Leonardo për Sky Sports.

-Advertisement-

Sulmuesi suedez ka kontratë edhe për sezonin e ardhshëm në Amerikë, por është raportuar se 37-vjeçari suedez është buzë kthimit në “San Siro”, ku luajti mes viteve 2010-12. Besohet se klubi është takuar me agjentin e tij Mino Raiola para disa ditëve.

Drejtori teknik i LA Galaxy, Jovan Kirovski, ka bërë të ditur se ai është duke punuar për t’u siguruar se Ibrahimovici të qëndrojë edhe për një vit tjetër në klubin amerikan.

“Kontrata e Ibrahimovic nuk ka skaduar, ai ka edhe një vit kontratë me ne. Ne dëshirojmë ta mbajmë atë të lumtur në skuadrën tonë dhe po punojmë që ai të vazhdojë dhe të luajë për Galaxy”, ka thënë Kirovski.

Ibrahimovici i ka shënuar 22 gola dhe i ka asistuar dhjetë të tjera për klubin amerikan mes marsit dhe tetorit të këtij viti dhe tani është nominuar për çmimin e MLS-it për lojtarin më të vlefshëm.

Subscribe në YouTube: GAZETA INFOKUSI