Rozë

Zbulohet emisioni ku do ta shohim Gerta Gixharin

Autori: Gazeta inFokus 16:31 | 13 May 2025

Pas aventurës së bujshme në edicionin e katërt të ‘Big Brother VIP Albania’, Gerta Gixhari është gati për një tjetër kapitull televiziv, këtë herë si moderatore në ‘Top Channel’.

Vip Magazine bënë me dije se gazetarja e njohur do t’i bashkohet panelit të emisionit të famshëm “Goca dhe Gra”, duke lënë pas bashkëpunimin me RTSH-në dhe nisur një sfidë të re në një nga platformat më të mëdha televizive në vend.

Pas daljes nga shtëpia e BBVA-së, ku arriti deri në gjysmëfinale, Gerta ishte kthyer në një prej emrave më të komentuar të sezonit.

-Advertisement-

Tashmë ajo rikthehet në ekran, jo më si lojtare në një reality show, por në rolin që e karakterizon më shumë: atë të gazetares dhe moderatores.

Nuk dihet ende se kush do ta plotësojë panelin përkrah Gertës këtë sezon. Nga formati i mëparshëm, Einxhel Shkira pritet të mos jetë pjesë e këtij edicioni, pasi ndodhet në pritje të ëmbël dhe ka paralajmëruar një pauzë të re nga ekrani.