Rozë

Zbulohet edhe një tjetër banor i Big Brother VIP Kosova 4?

Autori: Gazeta inFokus 12:44 | 30 October 2025

Edicioni i katërt i reality shout më të ndjekur në Kosovë, Big Brother VIP, është në prag të nisjes, ndërsa rrjetet sociale po ziejnë nga thashethemet për emrat që mund të bëhen pjesë e shtëpisë më të famshme në vend.

Producentja Olsa Muhameti dhe prezantuesi Alaudin Hamiti po punojnë intensivisht për përgatitjet e sezonit të ri, megjithëse data e saktë e fillimit ende nuk është bërë e ditur nga organizatorët.

Në mesin e shumë emrave që po përmenden, një ndër më të përfolurit është magjistari shqiptar Sali Buzhala, i njohur për publikun me pseudonimin MagicSal.

-Advertisement-

Ai prej vitesh jeton në Shtetet e Bashkuara të Amerikës dhe ka fituar popullaritet falë shfaqjeve të tij të veçanta magjike dhe paraqitjeve karizmatike në rrjete sociale.

Spekulimet për përfshirjen e tij në Big Brother VIP Kosova kanë ngjallur shumë kureshtje tek publiku, pasi pritet që MagicSal të sjellë një energji ndryshe, duke ndërthurur magjinë, humorin dhe karizmën brenda shtëpisë.

Edhe pse ende nuk ka asnjë konfirmim zyrtar nga produksioni apo vetë artisti, emri i tij është përmendur gjerësisht në rrjetet sociale dhe në mediat rozë, duke u bërë një ndër kandidatët më të mundshëm për këtë sezon.