Rozë

Zbulohen shumica e banorëve të ‘Ferma VIP’

Autori: Gazeta inFokus 19:46 | 20 March 2025

Në rrjet kanë filluar të qarkullojnë emrat e parë që pritet t’i bashkohen sezonit të dytë të spektaklit televiziv “Ferma”. Pas suksesit të sezonit të parë, ky reality show rikthehet më i fortë se kurrë, duke sjellë sërish jetën në fermë, larg jetës së zakonshme urbane, ku personazhe të njohur përballen me sfida të natyrës dhe njëri-tjetrin.

Burime ekskluzive për “Bordo” kanë zbuluar disa nga emrat e parë që do të jenë pjesë e këtij edicioni. Bëhet fjalë për figura të dashura për publikun shqiptar, si këngëtari me përvojë Federik Ndoci, reperi energjik Big Basta, aktori dhe këngëtari Erand Sojli, këngëtarja e njohur Rovena Dilo, humoristi i pëlqyer Olsi Bylyku, këngëtarja Elinara Shehu dhe Alba Pollozhani.

Përzgjedhja e tyre premton një sezon të mbushur me situata interesante, sfida reale dhe momente argëtuese. Me siguri, rrugës do të zbulohen edhe emra të tjerë, që do ta pasurojnë akoma më shumë kastin e këtij formati.

-Advertisement-

Publiku është më i etur se kurrë për këtë rikthim, dhe duket se “Ferma VIP” do të jetë një ndër më të ndjekurit e sezonit televiziv.

Subscribe në YouTube: GAZETA INFOKUSI