Lajme

“You are the shining star…”, Gërvalla zbulon çka i tha një homolog nordik

Autori: Gazeta inFokus 15:59 | 06 April 2023

Kryediplomatja e Kosovës, Donika Gërvalla, sot ka folur për dy vjet qeverisje të saj, për të cilën thotë se tashmë Kosova ka një vend të respektuar në arenën ndërkombëtare.

Këtu ajo tha se këtë e ka dëgjuar edhe nga një bashkëkombas nga Danimarka, i cili, sipas saj, tashmë ndihet krenar për atë që po bën Kosova.

“Një mërgimtar nga Danimarka para qytetarëve të Kaçanikut tregon se sa krenar dhe i lehtësuar ndihet. Po e citoj: “Më në fund mediat dhe politikanët në Danimarkë po flasin me admirim dhe respekt për politikën e vendit tim, gjë që më bën të ndihem shumë krenar””, ka thënë Gërvalla në foltore.

-Advertisement-

Po ashtu, ajo zbuloi edhe një bisedë me një homolog të saj, i cili e ka lavdëruar Kosovën për demokraci.

“Një homolog i imi nordik në një prej takimeve na thotë: “You are the shining star of democracy in the region”, që do të thotë jeni yll i ndritshëm i demokracisë në rajon”.

“Të panumërta janë bisedat me homologë të ndryshëm që shprehin admirim për shtet ligjor”.

Gjatë fjalës së saj, deputetë nga opozita i reaguan. Për këtë, Gërvalla iu përgjigj.

“Qetësohuni, faktet dhëmbin, por s’kam çka ju bëj”.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme