Sport

Xherdan Shaqiri merr një super-lajm

Autori: Gazeta inFokus 15:46 | 11 August 2017

Mark Hughes ka lavdëruar Shaqirin dhe ka bërë të ditur se sezonin e ardhshëm do të ketë një rol të ri në skuadër.

Trajneri i Stoke Cityt, Mark Hughes, është i kënaqur me paraqitjet e mesfushorit kosovar, Xherdan Shaqiri në ndeshjet miqësore të zhvilluara gjatë fazës përgatitore për edicionin e ri 2017/2018.

Ndryshe nga edicionet e kaluara që luante anësor, Shaqiri në ndeshjet miqësore është paraqitur si organizator i lojës në mesfushë, diçka që duket se i ka pëlqyer trajnerit Mark Hughes.

-Advertisement-

“Roli i organizatorit i është përshtatur dhe jam i kënaqur me paraqitjet e tij. Ai së bashku me Bojan Krkic edhe në kampionat do të kenë më shumë hapësirë për të organizuar lojën. Kjo është ajo që ne duam prej këtyre dy lojtarëve”, ka deklaruar Hughes për “Stokesentinel”.

Shaqiri, i cili u transferua nga Interi në vitin 2015, shpreson të ketë një sezon sa më pozitiv, për dallim nga ai që lamë pas, pasi vuajti nga lëndime të shumta, duke e lënë jashtë për pjesën më të madhe të sezonit.

Subscribe në YouTube: GAZETA INFOKUSI