Sport

“Xabi Alonso po bën një punë fantastike”, Guardiola: E kanë titullin në duart e tyre

Autori: Gazeta inFokus 10:59 | 27 February 2024

Bayer Leverkusen është duke zhvilluar një sezon në kufijtë e perfeksionit. “Aspirinat” e udhëhequr nga trajneri Xabi Alonso janë për momentin e vetmja skuadër pa asnjë humbje në të gjitha kompeticionet ku marrin pjesë, ndërsa udhëheqin gjithashtu Bundesligën me tetë pikë më shumë se Bayern Munich.

Elozhet për teknikun spanjoll të gjermanëve janë të jashtëzakonshme, ndërsa i fundit që komplimenton Xabi Alonson është Pep Guardiola. Trajneri i Manchester City, theksoi se Alonso ka bërë një punë fantastike te Leverkusen ndërsa shtoi se titullin në Gjermani mund ta humbasin vetëm ata pasi kanë gjithçka në duart e tyre.

“Ua, çfarë mund të them për Xabi Alonson, po bën një punë fantastike. Janë e vetmja skuadër nuk janë mposhtur këtë sezon dhe po luftojnë e Bayern Munich. Tani nis pjesa më e rëndësishme e sezonit. Mendoj se titulli është në duart e tyre dhe vetëm ata vetë mund ta humbasin. Të gjithë mendojnë se gara e titullit ka mbaruar”, u shpreh Guardiola.

-Advertisement-