Vuçiq provon ta ‘ftoh’ Ukrainën për të mos njohur Kosovën, kjo është deklarata e tij
Autori: Gazeta inFokus 22:54 | 08 August 2023
Presidenti i Serbisë, Aleksandar Vuçiq, ka thënë se Ukraina “do të humbë brenda ditës gjithçka që ka në dorë”, nëse e njeh pavarësinë e Kosovës.
Ai pretendon se Ukraina do ta humbte plotësisht besueshmërinë e vet politike brenda ditës.
“Pas kësaj, si mund të thotë Ukraina se i përmbahet ligjit ndërkombëtar? Jam i bindur se [presidenti i Ukrainës Volodymyr] Zelensky nuk do ta hedhë këtë atu”, tha Vuçiq më 8 gusht.
Ukraina është duke u përballur me një agresion rus që nga shkurti 2022, kur Moska e nisi pushtimin e saj. Në vitin 2014, Rusia e aneksoi gadishullin ukrainas, Krimenë.
Ai shtoi se Ukraina është një shtet mike e Serbisë, dhe se nuk ka telashe në marrëdhëniet mes dy vendeve.
Vuçiqi i bëri këto komente gjatë një konference të përbashkët për media me kryeministren e Serbisë, Ana Bërnabiq, në Beograd, ku iu përgjigjën pyetjeve rreth një letre të deputetëve nga vendet e Bashkimit Evropian (BE) dhe Shtetet e Bashkuara, të cilët kërkuan masa më të rrepta ndaj Serbisë.
Më 7 gusht, dhjetëra politikanë nga Evropa dhe Shtetet e Bashkuara ia dërguan një letër zyrtarët të lartë të BE-së dhe Uashingtonit, duke iu kërkuar ta ndryshonin qasjen ndaj Kosovës dhe Serbisë.
Serbia nuk e njeh pavarësinë e Kosovës, por me ndërmjetësimin e Bashkimit Evropian, Beogradi dhe Prishtina janë në bisedime për normalizimin e marrëdhënieve.
Vuçiq tha se letra e deputetëve evropianë dhe amerikanë “nuk është kundër meje, por kundër Serbisë.”
“Unë jam krenar që Alicia Kearns dhe Bob Menendez më sulmojnë mua, por jam krenar edhe kur e shoh se emrat që ishin më parë nuk janë më aty”, shtoi Vuçiq.
Ambasadori i Ukrainës në Serbi, Volodymyr Tolkach, tha të martën se në shoqërinë ukrainase po rriten zërat gjithnjë e më shumë për njohjen e pavarësisë së Kosovës, dhe se një numër i caktuar i deputetëve në Parlamentin e Ukrainës po e përkrahin qëndrimin për njohjen e mundshme të Kosovës.
Ukraina nuk e njeh pavarësinë e Kosovës, e shpallur në shkurt 2008.
“Qëndrimi i Ukrainës është parimor dhe i qëndrueshëm – Ukraina e respekton integritetin territorial të Serbisë”, thuhet në komunikatën e ambasadorit Tolkach.
Por, Toklach tha se lidershipi i Kosovës “ka marrë qëndrim të qartë për dënimin e agresionit rus ndaj Ukrainës, posaçërisht duke e sanksionuar agresorin”.
Ai e pranoi se nuk është befasi se zërat po rriten gjithnjë e më shumë në shoqërinë ukrainase në përkrahje të njohjes së pavarësisë së Kosovës.
“Ukraina, si vend demokratik i cili e respekton lirinë e fjalës, nuk mund ta kufizojë shprehjen e mendimit të politikanëve të tjerë, të rrethit profesional apo publikut”, theksoi ai. /REL
Të tjera
-
Personi i plạgosur në Mitrovicë dërgohet në QKUK për trajtim
Sot rreth orës 15:00 në Mitrovicë ka ndodhur një incident me armë zjarri, ku ...
-
Vitia me thirrje për vaksinimin kundër gripit sezonal: Parandalimi është gjithmonë më i mirë se mjekimi
“Gripi, në raste të caktuara, mund të jetë një sëmundje shumë serioze dhe mun...
-
Kurti: Perëndimi t’i ndërpresë ndihmat Serbisë, sanksiononi ata që bashkëpunojnë me personat në listë të zezë
Kryeministrit Albin Kurti ka kërkuar që lista e zezë duhet të japë rezultate ...
-
Mandl kritikon pushtetin në Serbi: Po sillet në mënyrë agresisve duke mos e pranuar të kaluarën
Eurodeputeti austriak, Lukas Mandl, ka akuzuar lidershipin në Serbi se po sil...
-
Për momentin Kosova nuk rrezikohet nga vërshimet, thotë IHMK-ja
Instituti Hidrometeorologjik i Kosovës, ka përsëritur thirrjen e tij se edhe ...
-
Kurti: Për 3 vjet e gjysmë, 75 mijë persona më shumë të punësuar në Kosovë
Kryeministri i Kosovës, Albin Kurti, në mbledhjen e Këshillit të Përgjithshëm...
-
Abdixhiku i vendosur: Do krijoj punë të mira, paga të dinjitetshme, arsim cilësor e kujdes shëndetësor
Kryetari i Lidhjes Demokratike të Kosovës, Lumir Abdixhiku ka thënë se është ...
-
E konfirmon policia: Një person u plạgos sot në Mitrovicë
Një person është plagosur me armë zjarri sot rreth orës 15:00 në Mitrovicë. ...
-
Acarimi i raporteve të Kosovës me SHBA-në, Rama: Një vend i vogël s’mund të fle i qetë nëse s’ka miq të mëdhenj
Kryeministri i Shqipërisë, Edi Rama, në Podcastin javor tw tij ka thënë se e ...
-
Ambasadori gjerman dhe ai britanik shijojnë bukuritë e Kosovës, ngjiten në “Kobilicë
Ambasadori gjerman në Kosovë Jorn Rohde, dhe ai britanik Jonathan Hargreaves ...
-
Raportohet për gjuajtje me ạrmë në Mitrovicë dhe një person të plagosur
Mediat lokale “Ditori” dhe “Jepi Zë” janë duke raportuar se dyshohe...
-
Qentë endacakë sulmojnë drejtorin e Neurologjisë, SHSKUK: Të gjithë jemi në rrezik
Drejtori i Klinikës së Neurologjisë, Edmond Komoni, ka qenë cak i një sulmi n...