Lajme

Deliu-Kodra: Jo serioziteti i VV-së, pengesa më e madhe për ngërçin në Kuvend

Autori: Gazeta inFokus 22:32 | 05 July 2025

Deputetja e PDK-së, Blerta Deliu-Kodra, ka deklaruar se po ta merrte me seriozitet Lëvizja Vetëvendosje daljen nga situata e tanishme në të cilën është Kuvendi i Kosovës, kjo do dëshmohej me vepra dhe jo me fjalë.

Në një postim në Facebook, Deliu-Kodra ka pohuar se mos serioziteti i VV-së u pa edhe me pjesëmarrjen e paktë të deputetëve që patën në seancën e 42-të të Kuvendit të Kosovës.

“Nëse partia më e madhe në Kuvend do ta merrte me të vërtetë seriozisht zgjedhjen e kryetarit dhe daljen nga ngërçi politik, sot do ta dëshmonte me veprime, jo me fjalë. Por prania e mbi dhjetë deputetëve më pak në sallë tregon të kundërtën. 39 vota pro, dëshmojnë mungesë organizimi, mungesë vullneti dhe sidomos mungesë përgjegjësie”.

-Advertisement-

“Nuk mund të kërkosh fajtorë tek të tjerët kur nuk arrin as të mobilizosh radhët e tua. Pengesa më e madhe për funksionalizimin e Kuvendit është mungesa e seriozitetit nga ata që pretendojnë të udhëheqin”, u shpreh Deliu-Kodra.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme