Vrau prindërit, vëllezërit dhe veten, si arriti policja ta merrte armën nga sirtari
Autori: Gazeta inFokus 18:20 | 24 February 2021
Një vit pas vrasjes së shumëfishtë që kishte tronditur gjithë vendin, Prokuroria Themelore e Gjilanit ka ngritur aktakuzë ndaj policit që ishte përgjegjës për ruajtjen e armëve të zyrtarëve policorë. Nga ky institucion kanë zbuluar edhe mënyrën se si kishte arritur zyrtarja policore, Valdete Bllaca që ta nxirrte armën nga sirtari, me të cilën kishte vrarë prindërit, vëllezërit dhe më pas veten.
Shtëpia e familjes Bllaca në lagjen “Bojanina” të Gjilanit ishte mbuluar nga gjaku mëngjesin e 18 shkurtit të vitit të kaluar. Të gjithë anëtarët e kësaj familje, ishin gjetur pa shenja jete atë ditë në hapësira të ndryshme të kësaj shtëpie.
Ata ishin vrarë nga e bija e vetme e kësaj familje, zyrtarja policore, Valdete Bllaca, e cila më pastaj kishte bërë vetëvrasje.
Ajo kishte pranuar tretman mjekësor, disa muaj para se të kryente vrasjen e shumëfishtë dhe në bazë të raporteve, ishte rekomanduar që të punonte pa uniformë dhe pa armë zyrtare.
E një vit pas kësaj ngjarjeje, është ngritur aktakuzë ndaj zyrtarit përgjegjës për ruajtjen e armëve dhe është zbuluar mënyra se si Bllaca kishte arritur që ta nxjerrë armën nga sirtari.
Një informacion të tillë e kanë dhënë nga Prokuroria Themelore e Gjilanit.
Zëdhënësja e kësaj prokurorie, Liridona Xheladini, i ka thënë Gazetës Express, se aktakuza ndaj policit me inicialet XH.A, është ngritur për “keqpërdorim të pozitës apo autoritetit zyrtar”.
“Referuar pyetjeve tuaja, ju njoftojmë se për këtë rast, Prokuroria Themelore në Gjilan, Departamenti për Krime të Rënda, më 05 Janar 2021, pas zhvillimit të hetimeve ka ngritur aktakuzë ndaj të pandehurit XH.A., për shkak të veprës penale ‘’Keqpërdorimi i pozitës apo autoritetit zyrtar’’, pasi i njëjti si person zyrtar – përgjegjës për ruajtjen e armëve të zyrtarëve policor, duke mos ndërmarrë veprimet e domosdoshme, të cilat ishte i detyruar t’i ndërmerrte, e ndjera V.B., kishte arritur t’i fotokopjonte çelësat e zyrës dhe sirtarit metalit, ku nga aty kishte marrë armën e saj zyrtare, me të cilën ka vrarë prindërit, dy vëllezërit dhe në fund ka kryer vetëvrasje”, thuhet në përgjigjet e Xheladinit drejtuart Gazetës Express.
Ndryshe, Bllaca ishte trajtuar në 14 seanca dëgjimore dhe këshilluese para se ta kryente vrasjen e shumëfishtë dhe vetëvrasjen.
Për herë të fundit, ajo kishte mbajtur trajtim në fillim të tetorit të vitit 2019, kur edhe ishte rekomanduar lirimi nga bartja e uniformës dhe armës zyrtare.
“Trajtimin e fundit mjekësor psikologjik në klinikë e ka mbajtur me datën 03.10.2019, në të cilin trajtim gjithashtu është rekomanduar lirimi nga bartja e uniformës, përfshirë edhe armën zyrtare për shkak të gjendjes së saj shëndetësore/psikologjike si dhe i është caktuar terapia përkatëse”, kishte njoftuar Policia.
Të tjera
-
Zhduket një e moshuar në Dragash, nisin kërkimet për gjetjen e saj
Shërbimi i Kërkim-Shpëtimit Malor i Kosovës ka bërë të ditur se që nga orët e...
-
Serbia kundër paqes, Escobarit s’i iku mesazhi i Vuçiqit se po e presin momentin për Kosovën
Aleksandar Vuçiq e kërcënoi Kosovën me luftë. Tha se në Beograd po e presin m...
-
Nis takimi trepalësh në Bruksel
Përfaqësues të Kosovës dhe Serbisë ndodhen sot në Bruksel për takimin e radhë...
-
Roth reagon pas kërcënimeve të Presidentit serb: Serbia në krye me Vuçiqin s’mund të hyjë në BE
Presidenti serb, Aleksandar Vuçiq, së fundi tentoi të bëjë të zgjedhë Perëndi...
-
Kurti falënderon Çekinë për rolin dhe kontributin në rrafshin e sigurisë së Kosovës
Kryeministri i Kosovës, Albin Kurti, e ka uruar ambasadorin çek në Kosovë, Bo...
-
Kosova për herë të parë në Lojërat Paralimpike, Osmani: Moment historik
Kosova do të përfaqësohet për herë të parë në Lojërat Paralimpike “Paris 2024...
-
Kurti priti në takim deputetin e Këshillit Kombëtar të Zvicrës, Islam Aliaj
Kryeministri Albin Kurti, ka pritur në takim deputetin e Këshillit Kombëtar t...
-
Për një javë, gjobiten 1,245 shoferë dhe pasagjerë që nuk e vendosen rripin e sigurisë
Policia e Kosovës ka bërë të ditur se ka për një javë ka shqiptuar 1,245 gjob...
-
Akuza për bullizëm, Hajdari i kërkon Shalës t’i “sanksionojë” deputetët Lekaj dhe Bunjaku
Raportimi i ministres së Industrisë, Ndërmarrësisë dhe Tregtisë, Rozeta Hajda...
-
Lista e zezë e SHBA-së, Miftaraj: Kur shtetet e Ballkanit dështojnë të ndajnë drejtësi, DASH-i merr masa
Drejtori i Institutit të Kosovës për Drejtësi, Ehat Miftaraj, ka komentuar ve...
-
Nis takimi i Lajçakut me Petkoviqin
Nis takimi i Lajçakut me Petkoviqin I dërguari special i Bashkimit Evropia...
-
Banka Botërore 90 milionë euro kredi Kosovës
Bordi i Drejtorëve Ekzekutiv të Bankës Botërore ka miratuar sot Kredinë e Par...