Vra*sja e 25-vjeçares shtatzënë në Malishevë, krejt çka dihet deri më tani
Autori: Gazeta inFokus
09:38 | 25 August 2026
Një ngjarje e rëndë ka tronditur të dielën mbrëma fshatin Kërvasari të Malishevës, ku një 25-vjeçare shtatzënë ka humbur jetën pasi është plagosur me armë zjarri.
Rasti ka ndodhur më 23 gusht, rreth orës 23:20. Policia është njoftuar për të shtëna dhe plagosje me armë zjarri dhe ka dalë në vendin e ngjarjes, ku në një dhomë gjumi ka gjetur çiftin bashkëshortor me plagë të shkaktuara nga arma e zjarrit.
Të dy të plagosurit janë dërguar për trajtim në Qendrën Klinike Universitare të Kosovës. Megjithatë, rreth orës 01:10, Policia është njoftuar se gruaja ka ndërruar jetë në QKUK, pavarësisht përpjekjeve të mjekëve për ta shpëtuar.
Viktima ishte 25-vjeçare dhe në javën e 34-të të shtatzënisë.
Sipas Prokurorisë Themelore në Gjakovë, bashkëshorti i saj dyshohet për vrasjen, ndërsa edhe ai ka pësuar plagë të rënda nga arma e zjarrit. Ai vazhdon të trajtohet në QKUK dhe, sipas njoftimit të fundit, ndodhet në gjendje të rëndë dhe kritike për jetën.
Në vendin e ngjarjes, Policia ka sekuestruar një armë zjarri, e cila dyshohet se është përdorur në rast.
Me urdhër të Prokurorit të Shtetit, trupi i pajetë i 25-vjeçares është dërguar në Institutin e Mjekësisë Ligjore në Prishtinë për obduksion.
Rasti është iniciuar si “Vrasje e rëndë” dhe “Mbajtja në pronësi, kontroll ose posedim të paautorizuar të armëve”.
Prokuroria, në bashkëpunim me Policinë e Kosovës, po vazhdon hetimet për të zbardhur rrethanat e plota të ngjarjes dhe për të siguruar provat që do të ndihmojnë në dokumentimin e rastit.
Pas rastit tragjik ka reaguar edhe u.d. e Presidentes së Kosovës, Albulena Haxhiu.
Ajo ka shprehur tronditjen për vrasjen e 25-vjeçares shtatzënë, duke thënë se një shoqëri nuk mund të konsiderohet e sigurt përderisa gratë nuk ndihen të sigurta as në shtëpitë e tyre.
Haxhiu ka kërkuar që institucionet e drejtësisë ta zbardhin plotësisht rastin dhe të ndërmarrin veprimet e nevojshme.
Ajo ka theksuar se dhuna ndaj grave nuk mund të trajtohet si çështje private dhe se institucionet duhet të reagojnë pa vonesë.
Rasti në Kërvasari mbetet nën hetim, ndërsa bashkëshorti i viktimës, i cili dyshohet për veprën, vazhdon të jetë nën trajtim mjekësor në gjendje kritike.

T� tjera
-
Ky është parashikimi i motit për nesër
Nesër në Kosovë parashihet të mbajë mot me diell, e vranësira lokale dhe rral...
-
Kryesia e Kuvendit mblidhet të martën, në rend dite edhe Projektligji për Buxhetin 2027
Kryesia e Kuvendit të Kosovës do të mblidhet të martën, më 17 nëntor, në orën...
-
KEDS njofton për ndërprerje të rrymës të martën, këto janë zonat që preken
Kompania për Distribuimin e Energjisë Elektrike në Kosovë (KEDS) ka njoftuar ...
-
Kënga nacionaliste serbe në Forumin e BE-së për zgjerimin shkakton polemika
Gjatë Forumit të zgjerimit të Bashkimit Evropian, pas fjalimit të presidentes...
-
Çmimi i arit bie në nivelin më të ulët që nga shtatori 2025
Çmimi i arit ra sot në nivelin më të ulët që nga shtatori 2025, pasi forcimi ...
-
Gashi-Hamdiu: Nga viti 2021, Kosovës iu shtuan vetëm 30 megavatë
Ajrina Gashi-Hamdiu, ish-anëtare e Bordit të Drejtorëve të Operatorit të Sist...
-
Shkoi në punë në ëmbëltore, kur doli nuk e gjeti veturën – Mitsubishi zhduket në Dardani të Prishtinës
E parkoi veturën pranë vendit të punës, por kur doli ta kontrollonte, ajo ish...
-
Time Kadrijaj: A po keni rrymë? Neve na mbyti terri, ky është veç fillimi
Deputetja e Aleancës, Time Kadrijaj, ka reaguar lidhur me ndërprerjet e energ...
-
Probleme teknike në bankat e mëdha amerikane, mijëra klientë raportojnë vështirësi në aksesimin e llogarive
Klientët e Bank of America, JP Morgan Chase, Wells Fargo dhe disa bankave të ...
-
Mustafa: VV e mohonte që Kosova tregton rrymë nga Serbia, sot e ndaluan importin
Deputeti i PDK-së, Arben Mustafa, ka komentuar masat e Qeverisë për çështjen ...
-
Importi i lartë rrezikon shtrenjtimin e rrymës
Rritja e konsumit dhe importit të energjisë elektrike në Kosovë po i shton sh...
-
Aksidenti tragjik në Gjermani, Latifi ngushëllon familjet e dy të rinjve që humbën jetën
Lajmi i rëndë për vdekjen tragjike të dy të rinjve nga Komuna e Rahovecit në ...


































