Lajme

Vlera e valutës iraniane bie në nivele rekorde

Autori: Gazeta inFokus 12:36 | 26 February 2023

Vlera e valutës së Iranit ka rënë në nivele rekorde kundrejt dollarit amerikan ditën e diel, derisa protestat kundër Qeverisë kanë hyrë në muajin e pestë.

Një bllokadë në ringjallje të marrëveshjes bërthamore – të cilën Teherani e ka nënshkruar me fuqitë botërore më 2015 – e ka dëmtuar, po ashtu, valutën iraniane.

Tregtarët në Teheran i kanë këmbyer 600.000 rial për një dollar amerikan të dielën, pasi valuta është dobësuar përtej 500.000 rialëve, sa është kryer këmbimi për një dollar amerikan të mërkurën.

-Advertisement-

Në këtë periudhë të vitit 2015, 32.000 rialë janë këmbyer për një dollar amerikan, pasi Iranit iu patën hequr sanksionet ndërkombëtare, në këmbim të kufizimit të aktivitetit bërthamor.

Qendra e Statistikave të Iranit ka thënë javën e kaluar se shkalla e inflacionit ka arritur në 53.4 për qind në muajin janar.

Në janar të vitit 2021, kjo shifër ka shkuar në 41.4 për qind.

Irani është përballur me protesta mbarëkombëtare prej muajit shtator të vitit të kaluar.

Protestat kanë shpërthyer pas vdekjes së 22-vjeçares, Mahsa Amini, sa ka qenë në mbajtje nga policia e moralit, nën supozimet se nuk e ka vendosur si duhet mbulesën në kokë. /REL

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme