Vitin e kaluar u dogjën 14 automjete në veri – asnjë i arrestuar
![](https://gazetainfokus.com/wp-content/uploads/2023/01/targat-1-600x3601-1.png)
Autori: Gazeta inFokus
22:14 | 11 March 2023
Gjatë vitit 2022, 14 automjeteve u është vënë flaka në komunat në veri të vendit, shumica prej të cilave kanë qenë nën pronësinë e qytetarëve serbë.
Kështu është bërë e ditur nga Policia e Kosovës, përmes një përgjigje me shkrim për Telegrafin ku bëhet e ditur se tri nga veturat e djegura kanë qenë me targa RKS, katër me targa të Serbisë dhe dy të tjera me targa ilegale KM.
“Gjatë vitit 2022 në komunat veriore rezultojnë se janë djegur gjithsej 14 automjete prej të cilave: nëntë vetura (tri vetura me targa RKS, katër me targa të Serbisë, dy vetura me targa ilegale KM nga pjesa veriore)si dhe pesë kamionë (tre kamionë me targa RKS dhe dy kamionë pa targa të cilët kanë qenë në barrikada)”, thuhet në përgjigjen e policisë.
Vetëm në Komunën e Mitrovicës së veriut janë djegur tri vetura të qytetarëve serbë si dhe dy kamionë, të cilët kanë qenë të vendosur gjatë barrikadave.
“Komuna Mitrovicë e veriut – Një veturë me targa KG (Serbi) ankuesi i nacionalitetit serb, një veturë me targa KM (targa ilegale në pjesën veriore) – ankuesi i nacionalitetit serb, dy kamionë pa targa – s’ka ankues (kamionë të cilët kanë qenë në barrikada) dhe një veturë me targa BG – ankues i nacionalitetit serb”, kanë thënë nga policia.
Në Leposaviq janë djegur katër vetura të qytetarëve serbë – dy prej të cilave kanë pasur targa RKS.
“Komuna Leposaviq – Një veturë me targa RKS – ankues i nacionalitetit serb, një veturë me targa BG – ankuesi i nacionalitetit serb, Një veturë me targa KM (targa ilegale në pjesën veriore) – ankuesi i nacionalitetit serb dhe një veturë me targa RKS – ankuesi i nacionalitetit serb”.
Dy vetura dhe tre kamionë janë djegur edhe në Zubin Potok – prej tyre vetëm një ka pasur targa të Serbisë.
“Komuna Zubin Potok – një veturë me targa RA (Serbi) – ankuesi i nacionalitetit serb, tre kamionë me targa RKS – ankuesi i nacionalitetit shqiptar dhe një veturë me targa RKS – ankuesi i nacionalitetit serb”.
Ndërsa sa i përket vitit 2023, policia ka njoftuar se nuk rezulton i raportuar asnjë rast i zjarrvënies së veturave.
Ndryshe, rastet më të shpeshta të djegies së veturave në veri kanë ndodhur në kohën kur qytetarët serbë kanë nisur konvertimin e targave të tyre nga ato që lëshohen nga Serbia në RKS. Kjo pas vendimit të Qeverisë së Kosovës që mos lejojë qarkullimin e veturave me targa ilegale të Serbisë brenda territorit të Kosovës.
E Ministria e Punëve të Brendshme ka fajësuar Serbinë dhe strukturat “ilegale” në veri, se po tentojnë të frikësojnë qytetarët, që po i konvertojnë targat.
“Propaganda e krerëve të shtetit serb, përfshirë presidentin e Serbisë, [Aleksandar] Vuçiq, dhe veprimet e strukturave ilegale ekstremiste e grupeve kriminale janë të koordinuara dhe në shërbim të njëra-tjetrës drejt qëllim të frikësimit të qytetarëve tanë në veri”, kanë deklaruar nga ky dikaster.
![](https://gazetainfokus.com/wp-content/uploads/2024/02/shkolla-finlandeze-impact-780x4391-1.jpg)
Të tjera
-
Klinaku: Kurti mashtrues, bëhet kinse i vë kusht për dorëzimin e Radojiçiqit në anën tjetër koordinohet me të
Faton Klinaku nga OVL-UÇK e ka quajtur kryeministrin Albin Kurtin mashtrues, ...
-
Shkëlzen Gashi: Më pëlqyen shumë kushtet e Kurtit që ia qiti Vuçiqit
Analisti Shkëlzen Gashi ka folur për kushtet e kryeministrit Albin Kurti që i...
-
Kushtet e Kurtit në Bruksel, Borell tregon çfarë tha Vuçiq kur i dëgjoi ato
Përfaqësuesi i Lartë i BE’së për Politikë të Jashtme Josep Borell ka duke fol...
-
Kryenegociatorët e Kosovës dhe Serbisë takohen javën e ardhme në Bruksel
Kryenegociatorët e Kosovës dhe Serbisë do të zhvillojnë takim gjatë javës së ...
-
Reagojnë nga komuna e Obiliqit pasi drejtori i QKMF-së kërcënoi gazetaren e Infokusit: “Nuk është hera e parë që shfaqet i dhunshëm.. Do të marrim masa”
Të martën gazetarja e Infokusit, Hateme Smajli u fye e u kërcënua nga drejtor...
-
Pamje të rënda: Vërshime në Opojë pas reshjeve të mëdha të shiut
Disa pjesë të Opojës janë duke pasur probleme me vërshime. Qytetarë të kës...
-
Borrell: Kurti paraqiti kushte, Vuçiq nuk i pranoi, takimi trepalësh dështoi
Ndonëse ishte planifikuar mbajtje e një takimi të përbashkët mes kryeministri...
-
Kushtetuesja i dha të drejtë PDK’së, Tahiri: Fitore e sundimit të ligjit mbi tendencën për frikësim e shantazh nga pushteti
Kryetari i Grupit Parlamentar të Partisë Demokratike të Kosovës, Abelard Tahi...
-
Stuhia e paralajmëruar, breshër i madh në Ferizaj
Gjatë ditës së sotme Besim Aliu nga Instituti Hidrometeorologjik i Kosovës, k...
-
Vuçiq flet pas takimeve me Borrell e Lajçak: Kurti nuk deshi të më takoj
Presidenti i Serbisë, Aleksandar Vuçiq, tha për mediat në Bruksel se gjatë ru...
-
Aksident me fatạlitet në magjistralen Ferizaj – Gjilan, një grua ndërron jetë
Një grua ka ndërruar jetë si pasojë e një aksidenti mes një veture dhe një ka...
-
Vuçiq ia ngre zërin gazetarit kosovar në Bruksel, s’e lejon as ta përfundojë pyetjen
Presidenti i Serbisë, Aleksander Vuçiq, ka bërë një veprim tepër të çuditshëm...