Vitin e kaluar, mbi 16 mijë viza lëshoi vetëm Ambasada e Gjermanisë
Autori: Gazeta inFokus 22:29 | 16 November 2022
Mbi 16 mijë viza lëshoi vetëm Ambasada e Gjermanisë në 2021.
Kërkesa e kosovarëve për t’u pajisur me një vizë është bërë rutinë. Pritje të stërzgjatura në të nxehtë e në të ftohtë, e pagesa e shumave të mëdha të parave, janë ankesat e qytetarëve të Kosovës, kur presin për t’u pajisur me një vizë, qoftë turistike ose edhe të punës. Ata që presin për një vizë pune thonë se po ikin në kërkim të një jete më të mirë.
Kështu, Kosova vazhdon të jetë i vetmi vend në Ballkan që vuan nga regjimi i vizave. Pritjet e qytetarëve para ambasadave vazhdojnë dimër e verë. Madje në qendrën e aplikimit për viza të Zvicrës dhe të Mbretërisë së Bashkuar, vazhdon të ketë shumë qytetarë duke pritur, raporton televizioni publik.
Kjo situatë i përcjell në vazhdimësi të gjithë ata që dëshirojnë të pajisen me një vizë Schengen apo pune.
“Me pritë për gjashtë muaj për një vizë turistike, kjo është tmerr sepse për viza të punës po e shohim që është krejt rinia, por është mjerim”, thotë Ekrem Dërmaku, banor i komunës së Kamenicës.
Hiç më mirë situata nuk është as para ambasadave të Finlandës, Suedisë, Norvegjisë, Austrisë e Sllovenisë.
Edhe këtu, disa prej qytetarëve kanë zgjedhur të aplikojnë për vizë pune.
“Ka punë edhe këtu, por atje ka një jetë më të mirë”, thotë Zijadin Shaqiri, banor i komunës së Gjilanit.
Pritje të qytetarëve me dokumente të shumta ka edhe para ambasadës gjermane në Prishtinë.
Ndonëse shumica e tyre janë në pritje për aplikim për një vizë turistike, thonë se janë lodhur nga këto procedura.
“Të hiqen vizat është më mirë. Por ka komplikime shumë të mëdha”, thotë Xhevat Bytyçi, banor i komunës së Suharekës.
Në një përgjigje elektronike për RTK-në nga ambasada gjermane, kanë konfirmuar se numri i vizave Schengen të lëshuara për vitet 2020-2021 për qytetarët e Kosovës, ka qenë mbi 25 mijë.
Kështu, brenda vitit 2020, vetëm kjo ambasadë ka lëshuar rreth 8 mijë viza, e ky numër, duke llogaritur edhe kohën e pandemisë.
Ndërkohë, në vitin 2021, e njëjta ambasadë ka lëshuar 16 mijë e 826.
Sidoqoftë, ky numër nuk përbën tërësinë e vizave të lëshuara pasi ka edhe ambasada të tjera nga vende të ndryshme që japin viza Schengen.
Ndërkohë, ambasada gjermane ka bërë të ditur se numri i vizave të lëshuara për vitin 2022 do të publikohet në fillim të vitit 2023.
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...