Vetëvendosje: PDK godet vendin për interesa private
Autori: Gazeta inFokus 17:06 | 23 April 2022
Ndaj deklarimeve në konferncën për media të mbajtur sot nga nënkryetarët e PDK-së, Uran ismaili e Vlora Çitaku, ka reaguar Lëvizja Vetëvendosje.
Zëdhënësi i LVV-së, Arlind Manxhuka, tha se e kanë parë konferencën për shtyp të PDK-së, të cilën e cilësoi si “konferencë të turpit”.
“Nga personazhet e dikur fushatës për shkëmbim territorial me Vuçiqin, nuk pritet gjë tjetër përveç goditje të vendit për arsye krejt private të tyre”, tha Manxhuka për RTK-në.
Sipas tij, është e paprecedentë që kur Kosova me të gjithë institucionet, po punon e vepron kudo në botë për të denoncuar planet e Rusisë në kordinim me Serbinë për rajonin tonë, një parti e Kosovës si PDK, me personazhe dikur ministra e ambasadorë të diskredituar, përpiqet të mashtrojë publikun.
“Gjithë sa u tha aty sot në atë konferencë, e çfarë është thënë dje, është e fabrikuar nga personazhe që vijnë nga bota e përzier e parapolitikës me krimin e organizuar”, u shpreh zyrtari i LVV-së.
“ Madje, jo rastësisht edhe FreedomHouse theksoi që janë të zhytur në krim të organizuar dhe korrupsion”, tha Manxhuka.
Reagimi i tij vjen pasi sot gjatë ditës, nënkryetari i PDK-së, Uran Ismaili, tha se afera me ambasadorin Kosovës në Kroaci, lidhet me majat e institucioneve dhe partisë në pushtet, prandaj kërkoi hetim të hollësishëm parlamentar të kësaj çështje.
Ismaili dhe nënkryetarja tjetër, Vlora Çitaku folën të shtunën në konferencë për media, duke kërkuar hetim të hollësishëm parlamentar të këtë çështje.
Ndërkohë, Manxhuka komentuar raportimet e mediave sllovene lidhur me Ambasadorin e Kosovës në Kroaci, Martin Berishaj, për të cilin dyshohet se ka transferuar një shumë të parave tek një kompani private në Mal të Zi.
Manxhuka në reagimin e tij thotë që për shkak se ka jetuar një kohë në Slloveni, ndjek zhvillimet në këtë shtet.
Sipas Manxhukës “asnjë medium serioz në Slloveni nuk e cituar publikimin e storjes ku përfshihet edhe ambasadori Berishaj.
Ai ka bërë lidhje të këtij raportimi me garën politike në Slloveni.
“Aktualisht gara kryesore po zhvillohet mes subjektit të ri ‘Lëvizja për Liri’ të Robert Golob dhe kryeministrit aktual Janez Jansha. Aktualisht në të gjitha matjet prin Golob, madje me këtë lidhet i gjithë sikleti i kinse aferës. Një fakt edhe më interesant bëhet që pothuajse asnjë medium serioz nuk e ka cituar publikimin e asaj ‘afere’ pos ‘TV Planet’ me pronar hungarez, për të cilin në Slloveni flitet për afërsinë e tij me kryeministrin e Hungarisë Viktor Orban”, ka shkruar Manxhuka.
Tutje, zëdhënësi i Lëvizjes Vetëvendosje, ka kujtuar kohën kur një medium slloven kishte nxjerrë një dokument të idesë që sipas Manxhukës, parashihej ndarja e Kosovës , duke shtuar se “aty theksohej iniciativa e Janshës në këtë drejtim”.
“Mbajmë mend kur portali slloven ‘Necenzurirano’ nxori dokumentin e idesë së të ashtuquajturit ‘Shkëmbim Territorial’ apo ndarjes së Kosovës ku theksohej iniciativa e Janshës në këtë drejtim në ndihmë të liderëve e ish-liderëve të Kosovës e Serbisë”, ka shtuar Manxhuka.
Sipas zëdhënësit të LVV-së, GEN dhe GENEX janë dy kompani të ndryshme, nga dy shtete të ndryshme.
“Po ashtu, kompania GEN-I sllovene që ka përfaqësi në gjithë Evropën nuk ka asnjë lidhje me kompaninë serbe GENEX”, ka shkruar ai.
Të enjten, mediumi slloven “Planet TV” raportoi për aferën financiare të kryetarit të partisë Lëvizja për Liri, Robert Golob, e të cilën e ka titulluar si skandal të madh financiar.
Sipas këtij mediumi, ai është nën hetim financiar ndërkombëtar për shkak të dërgesave nga dega serbe e GEN-I (furnizuesi energjetik slloven), të cilat i kanë shkuar kompanisë private MB Consulting në Mal të Zi. Kompania MB Consulting e Berishajt supozohet se ka marrë 600 mijë euro, të cilat janë tërhequr vazhdimisht në para të gatshme.
Ambasadori i Kosovës në Kroaci, Martin Berishaj, ka mohuar akuzat për përfshirje në skandalin financiar që u zbulua në Slloveni, ku mediat sllovene raportuan se ai i ka ka bartur para kesh rreth 600 mijë euro nga kompania e tij në Mal të Zi tek politikani slloven.
Të tjera
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...