Lajme

Veseli: PDK-së i bashkohet edhe Robert Muharremi, një nga ekspertët më të njohur në vend

Autori: Gazeta inFokus 13:14 | 12 May 2017

Kryetari i Partisë Demokratike të Kosovës Kadri Veseli, njëherësh edhe kreu i Kuvendit, ka bërë të ditur se ekipit të partisë së tij i është bashkuar edhe një ekspert i njohur i Kosovës. Bëhet fjalë për Robert Muharremin, të cilin Veseli e quan si një ndër ekspertët më të njohur në vend.
Veseli këtë aderim të Robert Muharremit e ka bërë të ditur përmes një statusi në Facebook, duke e quajtur këtë një lajm fantastik.

“Lajm fantastik për PDK-në, për ekipin tonë të përbashkët për #FillimiRi. Një ndër ekspertët më të njohur të Kosovës, Robert Muharremi, sot i është bashkuar ekipit tim për #FillimiRi. Roberti është një ekspert i kalibrit ndërkombëtar, me eksperiencë në Gjermani, SHBA, Kosovë. Është profesor i së drejtës dhe marrëdhënieve ndërkombëtare, i cili, si pjesë e #FillimiRi, do të japë një kontribut të çmuar për vendin dhe për sundimin e ligjit”, është shprehur Veseli.

Veseli thotë se PDK-ja do të jetë partia që do ta bëjë ndryshimin që e duan qytetarët. “Po e krijoj ekipin e ri, për fillimin e ri, për kapitullin e ri të zhvillimit të hovshëm. Ky është ekipi dhe kjo është partia që do të marrë vendime të mëdha, që ta bëjmë ndryshimin e madh që e dëshirojnë qytetarët”, ka shtuar ai.

-Advertisement-

Kujtojmë se para pak ditësh ekipit të Partisë Demokratike të Kosovës (PDK) i është bashkuar edhe gazetarja Arbana Xharra. Ndonëse kjo e fundit ishte kritikuese e ashpër e pushtetit, tha se u bë pjesë e PDK-së që ta ndryshojë atë, duke bërë të ditur se aderimi i saj aty ka ndodhur pa kushte.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme