Komisioni i Garave i Vala Superligës dhe Ligës së Parë në përbërje: Ismet Ahmeti, Isuf Ajeti dhe Sahit Kelmendi, në mbledhjen e mbajtur me datën 03.04.2018, lidhur me regjistrimin e ndeshjeve të Vala Superligës për Kampionatin 2017/2018, administroi tërë materialin e prezantuar nga zyrtarët e ndeshjeve të Vala Superligës së Kosovës në futboll (Kategoria e seniorëve), andaj bazuar në dispozitat e nenit 58 të Propozicioneve, nenit 69-të të Rregullores së Garave, si dhe dispozitave të Rregullores Disiplinore, në bazë të autorizimeve që ka mori këtë:

V E N D I M

1.Regjistrohen ndeshjet e javës së 25-të në Vala Superligë, përkatësisht të javës së 23-të në Ligën e Parë të Kosovës në futboll për edicionin 2017/2018 me rezultatet e arritura në fushë.

2.Duke i shqyrtuar dhe analizuar raportet e delegatëve, kontrollorëve si dhe të dhënat nga Protokolet zyrtare të ndeshjeve, lidhur me rregullsinë e fillimit, zhvillimit dhe përfundimit të ndeshjeve, Komisioni ka konstatuar se ndeshjet kanë pasur fillim në kohën e paraparë, vlerësuar nga komisioni ndeshjet kishin një rrjedhë dhe ecuri në pajtueshmëri me Propozicionet dhe Rregulloren e Garave, ndërsa për raste të izoluara të disiplinës për sjelljen e lojtarëve, respektivisht për lëshim në organizim në ndeshje, duke u  bazuar në raportet e zyrtarëve të FFK-së dhe pas administrimit të të gjitha materialeve dhe shkresave të prezantuara, incizimeve televizive  dhe (raporteve të personave zyrtarë të FFK-së si dhe mjeteve të informacionit) gjeti prova për

INICIM TË PROCEDURËS DISIPLINORE

1.Ndaj lojtarit të KF Prishtina” Përparim Osmani” me nr lic 88 dhe nr ID 000564M88 (motivi- luajtje me dorë në vijën e portës dhe pamudësimi i  shënimit të golit në ndeshjen KF Prishtina – KF Vëllaznimi, e zhvilluar në Pejë me datë 01.04.2018, sipas raportit të personave zyrtarë të ndeshjes.

2.Ndaj  KF “ Ferizaji” (motivi-shkaku i fillimit të ndeshjes me vonesë prej 35 minutave për shkak të mos ardhjes me kohë  të autoambulancës) sipas raportit të personave zyrtarë të ndeshjes.

2. Ndaj lojtarit të KF  ‘Fushë Kosova”  Jon Marteti me nr lic 26 dhe nr ID 003603M96 (motivi – ndërhyrje e palejuar në lojtarin kundërshtar si lojtar i fundit në ndeshjen  KF 2 Korriku –KF Fushë Kosova, e zhvilluar në Prishtinë, më datë 01.04.2018) sipas raportit të personave zyrtarë të ndeshjes.

KËSHILLË JURIDIKË: Pala e pakënaqur ka të drejtë ankese në afatin prej 3 (tri) ditëve, nga dita e pranimit të Vendimit, Organit të shkallës së dytë (Komisionit për ankesa, sipas procedurës së paraparë me Propozicione e Rregullore të FFK-së).
Publikimi bëhet në faqen zyrtare të FFK-së, Ekspedimi me BULETININ ZYRTAR Nr.16 dt. 03.04.2018

Birra të ftohta e me shumë ZBRITJE veç në Viva Fresh!

Sponsoruar