Sport

Futbollisti Astrit Selmani reagon pas ofendimeve që mori në Rumani

Autori: Gazeta inFokus 10:40 | 25 November 2024

Sulmuesi kosovar Astrit Selmani, ka deklaruar se është fyer nga tifozët e ekipit kundërshtar, për shkak të incidenteve që ndodhën në ndeshjen mes Rumanisë dhe Kosovës në Ligën e Kombeve.

Dinamo Bukureshtit e fitoi me rezultat minimal 1-0 ndaj Petrolulit falë golit të shënuar nga Selmani. Për këto gjeste nga tifozët e Petrolul, Selmani ka kërkuar menjëherë pezullimin e tyre.

“Kam fituar tre pikë dhe jam i lumtur. Ka pasur edhe momente të tensionuara. Ajo që ndodh jashtë fushës është diçka tjetër, ata (tifozët) duhet të pezullohen pas asaj që ndodhi në fushë. Më kanë fyer, ka pasur edhe sulme raciste ndaj meje. Fansat e tyre bërtisnin. Ata duan të provokojnë. Nuk është hera e parë që më shajnë”, ka deklaruar ai, shkruan GSP.

-Advertisement-

Selmani nuk e ka komentuar vendimin e lojtarëve të Kosovës për të braktisur ndeshjen ndaj Rumanisë, duke thënë se është i bindur që në tribuna ka njerëz të mirë.

Selmani po kalon në një formë shumë të mirë këtë sezon në elitën e futbollit rumun, ku pas 16 ndeshjeve të luajtura numëron tetë gola dhe katër asistime.