Lajme

Vdes 68-vjeçari nga Ferizaj, pësoi djegie të rënda në oborrin e shtëpisë

Autori: Gazeta inFokus 08:28 | 21 Tetor 2026

Rasti i rëndë i raportuar të dielën mbrëma në Ferizaj, ku një 68-vjeçar kishte pësuar djegie të rënda në rrethana që po hetohen si tentim vetëvrasjeje, ka përfunduar me fatalitet.

Siç raporton Sinjali, R.S., rreth 68 vjeç, ka ndërruar jetë më 19 tetor në Qendrën Klinike Universitare të Kosovës (QKUK), ku ishte transferuar për trajtim mjekësor pas incidentit.

Ngjarja kishte ndodhur më 18 tetor, rreth orës 20:10, në rrugën “Mehmet Begraca” në Ferizaj.

-Advertisement-

Sipas raportimeve, familjarët kishin dëgjuar britma në oborrin e shtëpisë dhe, pasi kishin dalë jashtë, e kishin gjetur 68-vjeçarin të përfshirë nga flakët. Ata kishin ndërhyrë menjëherë për ta shuar zjarrin dhe kishin njoftuar ekipet emergjente, të cilat i kishin ofruar ndihmën e parë.

Viktima ishte dërguar fillimisht në Emergjencën e Ferizajt, ndërsa për shkak të lëndimeve të rënda ishte transferuar në QKUK, ku ndërroi jetë një ditë më vonë.

Pas konfirmimit të vdekjes, hetuesit rajonalë të Ferizajt kanë njoftuar Prokurorin e Shtetit. Me autorizim të Prokurorisë, trupi i pajetë është dërguar në Institutin e Mjekësisë Ligjore në Prishtinë për obduksion, me qëllim të përcaktimit të shkakut të vdekjes.

Rasti fillimisht ishte evidentuar si “Tentim vetëvrasjeje”, ndërsa hetimet për sqarimin e plotë të rrethanave të ngjarjes po vazhdojnë.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy