Lajme

Vazhdimi i seancës fillon me një minutë heshtje për nderë të Xhevdet Bajrajt dhe Vjosa Berishës

Autori: Gazeta inFokus 16:02 | 23 June 2022

Vazhdimin e seancës së sotme Kuvendi i Kosovës e ka filluar me një minutë heshtje në nderim të veprës së poetit Xehvdet Bajraj dhe producentes Vjosa Berisha, shkruan Gazeta Infokus.

Një kërkesë të tillë e bëri deputetja nga radhët e Partisë Demokratike të Kosovës, Eliza Hoxha.

“Sot humbëm një person shumë të rëndësishëm të skenës kulturore dhe kisha pasë dëshirë që në këtë hapësirë të njohim kontributin e saj mbi 20 vjeçar në skenën kinematografike, si ambasadore kulturore e Kosovës brenda dhe jashtë saj. Dua t’i ftoj deputetët për një minutë heshtje për Vjosa Berishën”, ka thënë Hoxha.

Kurse, nënkryetarja e Kuvendit të Kosovës, Saranda Bogujevvci, tha se nderim i bëhet edhe poetet Xhevdet Bajraj.

“Nëse mundem ta shtoj që kemi humbur edhe poetin tonë Xhevdet Bajraj në të njëjtën kohë kështu që respekt të dy”, ka thënë ajo./Gazeta Infokus

Të tjera