Djali 17-vjeçar i vrarë nga një oficer policie u varros të shtunën, ndërsa qeveria franceze po përgatitej për protesta të mëtejshme pas dhunës më të ashpër në 18 vjet.

Miqtë dhe familja morën pjesë në një funeral privat në Nanterre, ku Nahel Merzouk u vra të martën pasi u ndalua nga dy policë patrullimi me motor, raporton SkyNews.

Një turmë e madhe u mblodh jashtë xhamisë lokale dhe ndoqi arkivolin deri në varreza, shumë duke brohoritur “Drejtësia për Nahelin”. Avokatët e të afërmve u kishin kërkuar gazetarëve që të qëndronin larg ceremonisë, duke thënë se ishte “një ditë për familjen e Nahelit” për të vajtuar “me maturi”.

Një oficer policie 38-vjeçar është vënë zyrtarisht nën hetim – ekuivalenti në Francë me akuzën – për vrasje me dashje.

Ndërkaq, CNN ka raportuar se autoritetet po përgatiten për natën e pestë të dhunës pasi vdekja e 17-vjeçarit shkaktoi një sërë protestash në kryeqytetin francez dhe qytete të tjera në të gjithë vendin. Më shumë se 1,300 njerëz u arrestuan gjatë natës së të shtunës, raporton CNN, transmeton Klankosova.tv.

Nëna e djalit, Mounia, i tha stacionit televiziv “France 5” të premten se fajëson vetëm oficerin që qëlloi djalin e saj, Nahel Merzouk, për vdekjen e tij. Megjithatë, vrasja ka ndezur trazira të gjera shkatërruese dhe pyetje nëse raca ishte një faktor në vdekjen e tij.

Protestat vazhduan deri në orët e para të së shtunës në kundërshtim me një ndalim të shpallur një ditë më parë për të gjitha “ngjarjet në shkallë të gjerë” në vend, me trazira që shpërthyen në disa qytete, raportoi dega e CNN, BFMTV.

Ministria e Brendshme e Francës tha të shtunën se 1,311 persona ishin arrestuar pas natës së katërt të dhunës, një përditësim i shifrës së mëparshme. Ai tha se 2,560 zjarre ishin raportuar në rrugët publike, me 1,350 makina të djegura dhe se kishte pasur 234 incidente të dëmtimit ose zjarrit në ndërtesa.

Shtatëdhjetë e nëntë policë dhe xhandarë u plagosën gjatë natës së të premtes dhe pati 58 sulme në stacionet e policisë dhe xhandarëve, deklaroi ministria.

Dy oficerë policie pësuan plagë me armë zjarri në Vaulx-en-Velin, një periferi e Lionit, tha Ministria e Brendshme, njëri në hundë dhe tjetri në kofshë.

Videot e mediave sociale të skenave në Lyon, të verifikuara nga CNN, treguan të shtëna armësh zjarri nga një pushkë automatike gjatë natës, fishekzjarrë që lëshoheshin në një protestë dhe demonstrues pranë zjarreve.

Ministria e Brendshme tha se do të dërgojë njësinë e saj elitë të policisë së trazirave, CRS 8, në Lyon të shtunën mbrëma, ndërsa kërkon të shtypë dhunën.

Më shumë se 700 biznese në të gjithë Francën janë dëmtuar që nga fillimi i protestave, tha ministri francez i financave Bruno Le Maire në një konferencë shtypi të shtunën. Klankosova.tv

Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL

Sponsoruar