Sport

Valdet Shoshi: Besa e meriton të qëndrojë në Superligë

Autori: Gazeta inFokus 17:17 | 30 March 2018

Besa nga Peja ka barazuar sot në udhëtim te skuadra e Lirisë me rezultatin 2:2.

Kryetrajneri i pejanëve Valdet Shoshi po beson që skuadra e tij e meriton të qëndrojë në elitën e futbollit kosovar, sidomos para dy paraqitjeve të fundit ndaj Gjilanit dhe Lirisë.

“Me këto paraqitje, sidomos ndaj Gjilanit dhe Lirisë kemi treguar që e kemi vendin në Superligë. Jemi shumë optimist se do arrijmë të realizojmë objektivin tonë”, theksoi Shoshi pas ndeshjes për Super Sport Kosova.

-Advertisement-

Lexo edhe Shkëmbi flet pas përballjes ndaj Besës

Tekniku pejan gjithashtu flet edhe për mënyrën se si arriti të poentojë në një teren (“Përparim Thaçi)” që pak skuadra arrijnë të marrin pikë.

“Tre pikët nuk ishin larg, por e realizuam atë që e planifikuam. Kemi luajtur me mençuri, sidomos në repartin defansiv. Kemi realizuar dy gola dhe kjo na ka lehtuar punën. Marrë në përgjithësi duhet të mbetemi të kënaqur që arritëm të importojmë një pikë tepër të rëndësishme drejt realizimit të objektivit tonë”, mbylli Shoshi.

Subscribe në YouTube: GAZETA INFOKUSI