Lajme

Vaksina kundër gripit sezonal nga nesër në dispozicion në Kosovë

Autori: Gazeta inFokus 14:23 | 30 October 2022

Mjekët rekomandojnë që të gjithë personat e moshës 6 muajsh e lart mund të marrin vaksinën vjetore kundër gripit sezonal, njofton Ministria e Shëndetësisë.

“Njerëzit duhet të marrin vaksinën e gripit herët për të krijuar imunitet përpara se virusi të përhapet gjerësisht në fund të vjeshtës dhe dimrit.

Personat me rrezik të lartë për komplikime serioze të gripit përfshijnë të moshuarit, fëmijët e vegjël, gratë shtatzëna, njerëzit me kushte të caktuara shëndetësore ose sistem imunitar të komprometuar.

-Advertisement-

Disa nga të njëjtat grupe janë gjithashtu në rrezik të lartë të komplikimeve edhe nga COVID-19.

Prandaj, u rekomandohet qytetarëvë që të vaksinohen kundër Gripit sezonal dhe gjithashtu të marrin edhe dozën përforcuese të vaksinës kundër COVID-19″, thuhet në njoftimin e MSh-së.

Nga e hëna, 31 tetor 2022, vaksina kundër Gripit kudo në Kosovë, njofton MSh.