Lajme

Ushtarët e FSK-së dhurojnë vullnetarisht gjak

Autori: Gazeta inFokus 15:28 | 07 August 2017

Në mjediset e Ministrisë për Forcën e Sigurisë së Kosovës dhe Forcës së Sigurisë së Kosovës, sot filloi aksioni për dhurimin vullnetar të gjakut.

Sipas një njoftimi të MFSK-së, ky aksion është sipas planit vjetor të departamentit për bashkëpunim civilo-ushtarak dhe në bashkëpunim me departamentin e mjekësisë të MFSK-së, në realizim të Qendrës Kombëtare të Transfuzionit të Gjakut dhe Kompanisë së Mjekësisë të FSK-së.

“Edhe përkundër që është muaji i pushimeve, interesimi i pjesëtarëve të MFSK-së dhe stafit civil të Ministrisë, për dhurimin vullnetar të gjakut, që në ditën e parë ishte i madh. Kjo po dëshmon se FSK-ja ka një traditë të organizimit dhe dhurimit vullnetar të gjakut, jo vetëm gjatë aksioneve të rregullta por edhe në rast të kërkesave individuale të qytetarëve”, thuhet në njoftim.

-Advertisement-

Majori Liman Salihu nga Departamenti për Bashkëpunim Civilo-Ushtarak ka thënë se tashmë është bërë traditë dhurimi vullnetar i gjakut, i cili këtë vit është ndarë në dy faza, siç ka qenë nga data 16 janar deri më 31 janar, dhe faza e dytë filloi sot dhe do të vazhdojë në KFT dhe njësitet e tjera të saj deri më 30 gusht.

Ndërsa, Fadil Rrahmani, menaxheri i Marketingut në Qendrën Kombëtare të Transfuzionit të Gjakut ka thënë se FSK-ja është donatori më i madh i dhurimit të gjakut për qendrën e tyre.

Aksionin për dhurimin e gjakut edhe këtë vit po e kryejnë mjekët e Qendrës Kombëtare të Transfuzionit të Gjakut në bashkëpunim me mjekët e Kompanisë së Mjekësisë të FSK-së, ku sipas kalendarit do t’i vizitojnë të gjitha kazermat e FSK-së, dhe deri në fund të muajit gusht pritet të përfundoi edhe faza e dytë e këtij aksioni.

Subscribe në YouTube: GAZETA INFOKUSI