Lajme

Ukraina raporton bombardime gjatë natës në Harkiv

Autori: Gazeta inFokus 09:40 | 15 July 2022

Autoritetet ukrainase thonë se trupat ruse bombarduan rëndë rajonin verilindor të Hharkivit gjatë natës më 14-15 korrik, ndërsa përpjekjet e shpëtimit vazhduan në një qytet historik në jugperëndim, ku dhjetëra persona u vranë.

Ndërkohë, udhëheqësit e financave nga ekonomitë kryesore të G20-ës po mblidhen në Bali, për atë që Indonezia mikpritëse thotë se është një takim vendimtar për të zbutur pasojat katastrofike humanitare nga lufta e paprovokuar e Rusisë kundër Ukrainës.

Shërbimi Shtetëror i Ukrainës për Situatat e Emergjencave raportoi se rajoni i Harkivit dhe qendra rajonale u goditën me raketa duke filluar rreth orës 03:00 të mëngjesit, me orën lokale.

-Advertisement-

Nuk pati raportime të menjëhershme për viktima.

Ndërkohë ekipet e shpëtimit po vazhdojnë kërkimet për të paktën 39 personat e pagjetur, pasi raketat ruse goditën qytetin historik të Vinnytsya në Ukrainën qendrore më 14 korrik, duke lënë të vranë të paktën 23 persona dhe plagosur rreth 52 të tjerë.

Presidenti ukrainas e quajti sulmin “një akt të hapur terrorizmi” kundër civilëve në zona pa asnjë vlerë ushtarake.

Autoritetet ukrainase thanë se të paktën 23 persona, përfshirë tre fëmijë, u vranë në sulmin e mesditës në një qytet qindra kilometra larg vijës së frontit, i cili erdhi pasi zyrtarët e BE-së u mblodhën në Hagë për të diskutuar krimet e luftës në Ukrainë.

Indonezia nikoqire ka paralajmëruar se udhëheqësit e financave të G20-ës që mblidhen në Bali, më 15 korrik, duhet të bëjnë përparim në trajtimin e kërcënimeve ekonomike globale të shkaktuara nga lufta e Rusisë ndaj Ukrainës ose të përballen me pasoja katastrofike humanitare.

Gjatë vizitës së tij në Izrael, Presidenti i SHBA Joe Biden tha më 14 korrik se “lufta e Putinit duhet të [shndërrohet] në një dështim strategjik”./REL

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme