Lajme

Uji i pijes, IKSHPK me rekomandime për qytetarët e Deçanit, Klinës e Istogut

Autori: Gazeta inFokus 19:42 | 20 November 2022

Instituti Kombëtar i Shëndetësisë Publike të Kosovës (IKSHPK) ka dalë me rekomandime për qytetarët e rajoneve të Deçanit, Klinës dhe Istogut për përdorimin e ujit të pijes pas situatës së krijuar nga reshjet e shiut që janë duke vazhduar në vend.

IKSHPK/QRShP Pejë thotë se është në bashkëveprim dhe kontakt të vazhdueshëm me KRU Hidrodrini – Pejë dhe bazuar në të dhënat e inspektimit nga tereni, vërehet turbullirë e shtuar e ujit kryesisht në rajonin e Deçanit, Klinës dhe Istogut.

Situata është nën kontroll dhe monitorim të vazhdueshëm me mostrimin e ujit për pije. IKSHPK rekomandon qytetarët e këtyre rajoneve ta vlojnë ujin para përdorimit dhe të konsumohet uji për pije nga resurset e sigurta ose uji i ambalazhuar, thuhet në njoftim.

-Advertisement-

Subscribe në YouTube: GAZETA INFOKUSI