Lajme

U përfshi në një rrahje në Gjakovë, arrestohet pjesëtari i Policisë së Kosovës

Autori: Gazeta inFokus 14:32 | 23 May 2023

Hetuesit e Inspektoratit Policor të Kosovë kanë arrestuar gjatë ditës së djeshme dy të dyshuar për lëndim të lehtë trupor, njëri nga ta pjesëtar i Policisë së Kosovës.

Hetuesit e Inspektoratit Policor të Kosovës janë njoftuar dje në orët e mbrëmjes nga Policia e Kosovës përkatësisht Stacioni Policor Gjakovë se në rrugën “Ganimete Tërbeshi” në Gjakovë kishte ndodhur një incident- rrahje.

Në këtë rast sipas njoftimit të IPK-së ishte i përfshirë si i dyshuar edhe një pjesëtar i policisë (zyrtar i stafit civil pa autorizime policore dhe jashtë detyrës zyrtare).

-Advertisement-

“Hetuesit e IPK-së kanë dalë në vendin e ngjarjes dhe kanë ndërmarrë disa veprime fillestare hetimore duke përfshirë edhe analizimin e disa video pamjeve të incizuara nga kamerat e sigurisë së një lokali.

Pas ndërmarrjes së disa veprimeve hetimore në koordinim me prokurorinë hetuesit e IPK-së kanë arrestuar dy të dyshuar (zyrtarin e stafit civil dhe një qytetar) me dyshimin se të njëjtit kanë kryer veprën penale “lëndim i lehtë trupor”, bëhet e ditur në njoftim.

Me vendim të prokurorit të njëjtëve u është caktuar masa e ndalimit për 48 orë kurse si pjesë e procedurës administrative pjesëtari i policisë (stafit civil) është suspenduar.

Subscribe në YouTube: GAZETA INFOKUSI