Lajme

Turqi, 33-vjeçarja doli e gjallë me djalin e saj pas 68 orësh

Autori: Gazeta inFokus 19:46 | 09 February 2023

Një tjetër mrekulli në Turqi është shpëtimi i një nëne dhe djalit të saj 5-vjeçar, pasi qëndruan nën rrënoja për 68 orë.

Siç raporton Daily Mail, 33-vjeçarja Serap Topal dhe djali i saj, Mehmet Hamza Topal, ishin bllokuar në rrënojat e shtëpisë së tyre në Kahramanmaras pas “goditjes” së tërmetit me magnitudë 7.8 Rihter.

Nëna dhe fëmija, të mbuluar nga pluhuri dhe mbeturinat, u shpëtuan nga vullnetarët britanikë të SARAID dhe shpëtimtarët gjermanë të At Fire në orët e para të së enjtes, ndërsa mbaronte afati prej 72 orësh që konsiderohet vendimtar për gjetjen e të mbijetuarve.

-Advertisement-

Pamjet janë vërtet mahnitëse. Serap “përkulet” dhe shpërthen në lot, ndërsa shpëtimtarët arrijnë ta çlirojnë dhe ta vendosin në barrelë, ndërsa kamera kap një nga shpëtimtarët që shikon lart nga qielli, mirënjohës që e nxori djalin e vogël nga rrënojat të padëmtuar.

Është një tjetër nga ato momente që shoqërohen nga emocionet e forta sa herë që shpëtimtarët gjejnë të mbijetuar dhe i nxjerrin nga rrënojat.

Subscribe në YouTube: GAZETA INFOKUSI