Trupi yt flet, andaj dëgjoje!
Autori: Gazeta inFokus 12:04 | 07 February 2020
Shkencëtari Candace Pert, autori i “Molecules of emotion” (Molekulat e emocionit), që ka zbuluar ekzistencën e endorfinave në fillim të viteve `80 të shekullit të kaluar, shkruan: “Mendja jote ndodhet në çdo qelizë të trupit”.
Rrjedhimisht, edhe trupi flet gjuhën e mendjes, jep sinjale në emër të saj. Në jetën e përditshme, ne u kushtojmë vëmendje kryesisht sinjaleve që lidhen me gjendjen tonë shëndetësore: ethe, dhimbje, pagjumësi, këputje, marrje mendsh, të vjella, hemorragji të ndryshme, mungesë dëshire për të punuar etj. etj.
Por, të vëmendshëm ndaj psikanalizës frojdiane, surrealistët kanë dhënë, qysh para gati njëqind vjetësh, një përkufizim shumë të thjeshtë, por interesant të shpirtit: “Shpirti është trupi”, çka përforcon këndvështrimin e Candace Pertit.
Ky trup, i yni, të cilit nuk ia vëmë kurdoherë veshin, na flet pa na thënë paraprakisht “Dëgjomëni”, pra, i takon mendjes, më saktë vetëdijes sonë, ta dëgjojë trupin dhe jo e kundërta, ta dëgjojë atë dhe të zbërthejë deri edhe gjestet e tij më të vogla, që janë kaq të ngarkuara me domethënie, me sinjale që na vijnë veçanërisht nga nënvetëdija.
Në këtë kuadër, një interes të madh për psikologët paraqesin librat e francezit Joseph Messinger, i cili ka botuar, nga viti 1995 deri në 2009, afro 15 libra mbi gjestet tona dhe kuptimin e tyre të fshehtë, midis të cilëve “Le langage psy du corps” (Gjuha psikologjike e trupit), “Ces gestes qui vous trahissent” (Këto gjeste që ju tradhtojnë), “Les gestes des politiques” (Gjestet e politikanëve) dhe “Le sexe des gestes” (Gjinia e gjesteve).
Në njërin prej këtyre librave prej më se 450 faqesh, “Ces gestes qui vous trahissent” (2005), me 350 000 kopje të shitura në Francë, dhe që nis pikërisht me thënien e lartpërmendur të Candace Pert-it, Joseph Messinger-i hedh dritë mbi kuptimin e fshehtë të gjesteve që bëjmë me çdo pjesë të kokës dhe të trupit, deri, për shembull, te mënyra se si ulemi, si i kryqëzojmë këmbët, madje edhe si i krehim flokët: pa vijë fare, me vijë në mes, majtas ose djathtas. Gjithçka te gjestet tona edhe më të përditshme, sipas këtij autori, shpreh qëndrimin tonë ndaj të tjerëve ose ndaj mjedisit që na rrethon, pra mënyrën se si reagojmë në marrëdhëniet që ndërtojmë me individin dhe shoqërinë.
Por gjuha e trupit më duket veçanërisht interesante kur kemi të bëjmë me marrëdhënie dashurie. Shikoni tek ecën rrugës një djalë me një vajzë, le të themi të dy gjimnazistë; ata mund të mos flasin, mund të mos e shohin në sy njëri-tjetrin, por nëse trupat e tyre herë pas here çiken, qoftë edhe lehtë, ose përplasen butë, dhe pastaj, vetvetiu, ata shkëmbejnë ndonjë vështrim të ndrojtur, midis tyre po lind dashuria, pa fjalë, e pasigurt fillimisht, por, gjithsesi, po lind. Dëgjoje, pra, trupin tënd, ai flet edhe kur ti hesht!
Të tjera
-
Ambasadori britanik në Beograd: Asociacioni të formohet sa më shpejt që të jetë e mundur
Ambasadori i Mbretërisë së Bashkuar në Serbi, Edward Ferguson, ka thënë të pr...
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...