Lajme

Trump – Tillersonit: Mos humb kohë të bisedosh me “Njeriun e Vogël Raketë”, do të bëjmë atë që duhet bërë

Autori: Gazeta inFokus 18:09 | 01 October 2017

Duket se presidenti i SHBA-së, Donald Trump, ka hedhur poshtë mundësinë e arritjes së ndonjë zgjidhjeje diplomatike me Korenë Veriore, pasi i ka thënë sot top diplomatit amerikan të mos humbasë kohë duke u përpjekur të negociojë me liderin e Penianit, Kim Jon Un.

“I thashë Rex Tillersonit, sekretarit tonë të mrekullueshëm të Shtetit, se po e humb kohën e tij duke tentuar të negociojë me Njeriun e Vogël Raketë”, ka shkruar sot Trump në rrjetin social Twitter, duke e përdorur nofkën sarkastike për Kimin, transmeton Express.

Komenti i Trumpit erdhi një ditë pasi Tillerson zbuloi se Shtetet e Bashkuara janë në komunikime të drejtpërdrejta me Korenë Veriore për programin e saj bërthamor dhe raketor, por se Peniani ka treguar pak interesimin për dialog.

-Advertisement-

“Ruaje energjinë Rex, do të bëjmë atë që duhet bërë”, ka thënë Trump.

Gjatë vizitës në Kinë ditën e shtune, Tillerson tha se Uashingtoni është duke e hetuar mundësinë për bisedime me Penianin dhe se ekzistojnë kanale të shumëfishta komunikime me Korenë Veriore.

Kjo ishte hera e parë që administrata Trump e pranon se është në komunikime direkte me Penianin.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

lajme