Lajme

Trotuaret dhe parkingjet publike problemi kryesor në Prishtinë

Autori: Gazeta inFokus 12:42 | 06 June 2018

Organizata Iniciativa për progres INPO ka bërë një hulumtim rreth shërbimeve në komunën e Prishtinës.

Trotuaret  dhe parkingjet publike dalin të jenë vetëm disa nga problematikat në të cilët qytetarët janë përgjigjur në anketën e bërë nga INPO, shkruan GazetaFokus.

78% e qytetarëve deklarohen të jenë të pakënaqur ose shumë të pa kënaqur me hapësirën publike të rezervuar për parkingje, ndërsa 64.01% e qytetarëve janë të pakënaqur me  trotuaret në komunën e Prishtinës .

-Advertisement-

Albulena Nrecaj nga drejtorja ekzekutive e OJQ INPO, tha se ky raport është mbështetur në 15 fusha të shërbimeve komunale.

“Ky raport është mbështetur në 15 fusha të shërbimeve komunale. Për të gjitha shërbimet është bërë matje përveç shërbimeve sociale. Cilësia e arsimit, aktivitetet sportive, gjendja dhe mirëmbajtja e rrugëve, trotuaret, parkingjet, hapësirat gjelbëruese janë disa nga shërbimet komunale që janë të përfshira në këtë raport” tha ajo.

Sekretarja e Përgjithshme në MAP, Rozafa Ukimeraj, e vlerësoi lart raportin  pasi është i vlefshëm për të paraqitur kënaqësinë e qytetarëve me shërbimet komunale.

“Në bazë të vlerësimit të përgjithshëm të vitit 2016 komuna e Prishtinës ka qenë në dhjetëshen e komunave me performancën më të mirë, ku është ranguar e gjashta.

Ndërsa sa i përket vitit 2017 komuna ka treguar një performancë të lartë në fushën e menaxhimit të mbeturinave, ujit të pijshëm”, tha ajo.

Kurse, drejtori i Administratës në komunën e Prishtinës Muhedin Nushi, lavdëroi punën në  shërbimet e administratës dhe të shëndetësisë, ku sipas tij qytetarët janë është shumë të kënaqur.

Kjo ka ardhur si rrjedhojë se në qeverisjen e kaluar janë marrë më shumë në këto dy fusha.

Vërejtja e tij për këtë raport ishte që nuk ishin marrë edhe me cilësinë e ajrit në Prishtinë, pasi aty kanë ndërmarrë disa aktivitete që kanë ndikuar pozitivisht në këtë aspekt./GazetaFokus

Subscribe në YouTube: GAZETA INFOKUSI
Etiketa:
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme