Sport

Tronditet trajneri i njohur: Nuk e kisha parë kurrë Juventusin në këtë gjendje

Autori: Gazeta inFokus 10:29 | 28 January 2019

Juventus mbrëmë arriti një fitore të rëndësishme në udhëtim tek Lazio.

I intervistuar nga “Sky” në përfundim të ndeshjes së humbur 2-1 kundër Juventus-it, trajneri i Lazio-s, Simone Inzaghi, ka thënë:

“Nuk mbaj mend ta kem parë Juventus-in kaq në vështirësi, kemi bërë 9 goditje nga këndi kundër 1. Futbolli është i pamëshirshëm, por nëse vazhdojmë të luajmë kështu, mendoj se do t’i japim disa gëzime tifozëve tanë”.

-Advertisement-

“Nuk kemi vuajtur, nuk mbaj mend pritje të Strakoshës. Nëse pëson gol, atëherë do të thotë se ke bërë ndonjë gabim. Lulic ka gabuar në momentin e penalltisë, nuk duhej ta kishte kapur Cancelo-n, që ka qenë në pozicion jashtë loje në fillimin e aksionit”.

“Kemi bërë një ndeshje shumë të mirë, meritonim të paktën barazimin. Sot futbolli ka qenë i pamëshirshëm me ne. Gjithsesi, nëse luajmë kështu edhe në ndeshjet e ardhshme, do ta mbyllim mirë kampionatin”, përfundoi Inzaghi.

Subscribe në YouTube: GAZETA INFOKUSI