Tre kandidatët që synojnë të jenë në krye të Odës Ekonomike të Kosovës
Autori: Gazeta inFokus 15:00 | 13 July 2022
Nesër me fillim në ora 10:00 do të mbahet mbledhja Konsituive e Kuvendit të Odës Ekonomike të Kosovës (OEK), në të cilin do të zgjedhen edhe organet e reja drejtuese në mandatin e ardhshëm katër vjeçar. 51 delegatë të Kuvendit të Odës Ekonomike do të votojnë për organet e reja të OEK-u.
Për RTKlive nga Oda Ekonomike e Kosovës, kanë konfirmuar se deri më tani për të qenë pjesë e garës për kryetar të OEK-ut, janë tre kandidatë. Ruzhdi Kurtishaj, i cili deri tani ishte kryetar i Kuvendit të Odës Ekonomike, Erëza Vela e cila është një afariste e suksesshme në Kosovë dhe Lulzim Rafuna ish-drejtori i Doganës së Kosovës.
Deri tash kryetar i Odës Ekonomike të Kosovës (OEK), ka qenë Berat Rukiqi, i cili javën e kaluar mbajtur konferencën e fundit për gazetarë. Ai vlerësoi se sfidë për katër vite për OEK-un, ishte ndërrimi i qeverive.
Tre kandidatët për kryetar të Odës Ekonomike të Kosovës dhe planet e tyre
Ruzhdi Kurtushaj
Ruzhdi Kurtishaj, pronar i një kompanie turistike është njëri nga tre kandidatët për kryetar të ri të Odës Ekonomike të Kosovës (OEK), në Kuvendin zgjedhor i cili do të mbahet të enjten më 14 korrik. Nga viti 2018 e deri më tash Kurtishaj ka mbajtur pozitën e Kryesuesit të Kuvendit dhe njëherit atë të kryetarit të Shoqatës së Transportit Rrugor të Udhëtarëve. Kurtishaj në Odën Ekonomike, nga viti 2006 e deri tash, ka ushtruar funksione të ndryshme.
“Pas përfundimit të mandatit të Kryesuesit të Kuvendit të OEK-ut dhe Kryetarit të Shoqatës së Transportit rrugor të udhëtarëve, bazuar edhe në praktikat i të qenit pjesë e Odës Ekonomike të Kosovës që një kohë të gjatë, synimet e mia janë që të avancohen duke kërkuar votën e delegatëve të Kuvendit të Odës Ekonomike të Kosovës për të më votuar për Kryetar të Odës Ekonomike e Kosovës. Këto synime i mbështes, duke u bazuar në kualifikimet profesionale, shkollore të arritura gjer më tash dhe duke u bazuar në referencat e arritura në të gjitha pozitat e kaluara në punë” ka thënë ai për RTKlive.
Erëza Vela
Ekonomistja e njohur Erëza Vela ka konfirmuar kandidaturën për kryetare të Odës Ekonomike të Kosovës. Erëza Vela është gruaja e parë që kandidon për kryetare të Odës Ekonomike të Kosovës. Ekonomistja Vela ka njoftuar se në tri javët e fundit, në bashkëpunim me biznese dhe ekspertë të ekonomisë, ka përpiluar planin për qeverisje në katër vitet e ardhme. Ekonomistja Vela në pika të shkurta e ka përshkruar planin e saj për OEK.
“Plani im në një fjali është: me ia hap dyert odës karshi secilit akterë e partnerë dhe për të pozicionuar atë si oda kryesore ekonomike në vend dhe zëri më i fuqishëm i biznesit në zhvillim. Kur ta arrijmë këtë, OEK do të shndërrohet në atë që duhet të jetë: institucioni kryesor në zhvillimin ekonomik të Kosovës”, ka shkruar Vela në profilin e saj në “Facebook”.
Lulzim Rafuna
Lulzim Rafuna është njëri nder tre kandidatët për kryetar të Odës Ekonomike të Kosovës (OEK). Për këto vite Rafuna ka qenë në funksione të ndryshme publike në Kosovë e Shqipëri. Ai ka qenë për disa vite drejtor i përgjithshëm i Doganës së Kosovës, këshilltar i ish-Ministrit të Financave, Bedri Hamza, si dhe ish-këshilltar i Edi Ramës, për dogana dhe tatime.
Roli i Odës Ekonomike të Kosovës (OEK)
Oda Ekonomike Kosovës (OEK), është organizatë profesionale e themeluar nga Kuvendi i Kosovës. OEK-u është organizatë profesionale e pavarur, jopolitike dhe jofitimprurëse. Është institucioni i vetëm i biznesit i themeluar me ligj dhe veprimtaria e OEK-ut zhvillohet mbi bazën e këtij Ligji (Ligji mbi Odën Ekonomike të Kosovës 2004/7) i miratuar nga Kuvendi i Kosovës.
OEK është institucion në shërbim të ekonomisë kosovare, partner konstruktiv i institucioneve shtetërore të Kosovës, partner në dialogun social si dhe promotor i zhvillimit ekonomik dhe politikave të mira makroekonomike.
Oda Ekonomike e Kosovës analizon gjendjen ekonomike të Kosovës dhe aktivisht propozon forma të reja dhe të avancuara të biznesit vendor dhe bënë ndërkombëtarizimin e ndërmarrësisë kosovare. Oda Ekonomike e Kosovës kontribuon në zhvillimin e ndërmarrjeve, po ashtu me profesionalizmin dhe vendosmërinë e saj kontribuon në përafrimin e biznesit kosovar dhe shoqërisë kosovare me vlerat evropiane.
OEK ka selinë qëndrore në Prishtinë dhe njësitë rajonale në : Prishtinë, Mitrovicë, Pejë, Prizren, Gjakovë, Ferizaj dhe Gjilan./rtk
Të tjera
-
Kryeministri Kurti takohet me ministrin e Brendshëm të Izraelit
Kryeministri i Kosovës, Albin Kurti, ka pritur sot në takim ministrin e Brend...
-
AAK-ja premton mbi 1000 euro pagë mesatare në sektorin publik
Grupi për hartimin e Programit Zgjedhor të AAK-së 2025-2028 është mbledhur so...
-
ASK për 2023: Kosova me mbi 6 milionë vizitorë
Mbi 6 milionë është numri i vizitorëve për vitin 2023 në Kosovë sipas Agjenci...
-
50 vendet ku kosovarët mund të udhëtojnë pa viza
Kosova dhe Izraeli nënshkruan më 18 qershor një marrëveshje për heqjen recipr...
-
Doris Pack në inaugurimin e rrugës në Podujevë që do të bartë emrin e saj: Ndjej, vuaj e gëzohem bashkë me Kosovën
Ndihma e saj gjatë dhe pas luftës për Kosovën dhe popullin e saj, janë arsyej...
-
Komploti në Gjermani, fillon gjykimi ndaj grupit që do ta rrëmbente kancelarin Olaf Scholz
Tetë persona, anëtarë të ekstremit të djathtë në Gjermani, kanë dalë para gjy...
-
Gërvalla: Kosovarët pa viza në Izrael nga 19 shtatori
Shefja e diplomacisë kosovare, Donika Gërvalla-Schwarz, ka njoftuar për nënsh...
-
UNI-Universum International College rankohet me sukses në Times Higher Education Impact Rankings 2024
UNI-Universum International College është renditur në Times Higher Education ...
-
Nuk ka takim mes Osmanit dhe Lajçakut, kjo është arsyeja
Përfaqësuesi Special i BE-së, Miroslav Lajçak sot do të jetë në Kosovë, por n...
-
Prokuroria nis hetimet ndaj profesorit Xhevat Krasniqi
Prokuroria Themelore e Prishtinës ka nisur hetimet ndaj profesorit Xhevat Kra...
-
Ministri Sveçla merr pjesë në panairin e sigurisë “Eurosatory 2024” në Paris
Ministri i Punëve të Brendshme, Xhelal Sveçla, i shoqëruar nga zëvendësminist...
-
Zgjatet edhe 7 ditë afati i konkursit për rekrutimin e kadetëve
Ministria e Mbrojtjes ka njoftuar se është zgjatur afati i konkursit për rekr...