Sport

Tre finale, 32 lojtarë dhe 25 fitore

Autori: Gazeta inFokus 11:55 | 04 May 2018

Real Madridi do të luajë finalen e tretë me radhë në Ligën e Kampionëve në tre sezonet e fundit dhe formacioni startues ka mbetur shumë i njëjtë gjatë të trija finaleve, edhe pse janë aktivizuar gjithsej 32 lojtarë të ndryshëm, shkruan infokusi.

Madrilianët në finalen e vitit 2015/16 kishin këtë formacion startues: Keylor Navas, Dani Carvajal, Raphael Varane, Sergio Ramos, Marcelo, Luka Modric, Toni Kroos, Isco, Gareth Bale, Cristiano Ronaldo dhe  Karim Benzema.

Ky mund të jetë edhe formacioni startues në finalen kundër Liverpoolit e cila zhvillohet në  Kiev.

-Advertisement-

LEXO EDHE: A jeni gati për El Clasico?

Çfarë ka ndryshuar te skuadra ka qenë futbollistët rezervë, që kanë ardhur për të bërë në një ndryshim dhe për të ndihmuar Real Madridin të mbetet e freskët në ndeshjet e shpeshta.

Gjithsejt 22 lojtarë ishin në dispozicion në vitin 2015/16,  vitin e kaluar ishin 23 dhe këtë vit, janë gjithsej 32 lojtarë.

Vetëm katër prej këtyre 32 lojtarëve  nuk kanë luajtur asnjë ndeshje të vetme të plotë, si Mariano (pesë minuta), Marcos Llorente (21 minuta), Denis Cheryshev (37 minuta) dhe Dani Ceballos (82 minuta).

Ndërsa, gjysma prej këtij numri të futbollistëve, kanë marrë pjesë në të tre këto sezona historike.

Navas, Ramos, Marcelo, Modric, Casemiro, Kroos dhe Ronaldo kanë qenë shtatë lojtarët kryesorë, që kanë luajtur në më shumë se 70 për qind të minutave të mundshme gjatë këtyre tre viteve.

Ndërkohë, Carvajal, Varane, Benzema dhe Isco kanë luajtur mbi 50 përqind të minutave.

Në total, 36 takime, 25 fitore për skuadrën nga Madridi..

Sigurisht, Ronaldo ka qenë yll në aspektin e golave ​​dhe ai ka shënuar gjithsej 41 gola në këto tre sezone të Ligës së Kampionëve, 15 në 2015 / 16, 10 vitin e kaluar dhe 16 këtë vit.

Tani ata kanë para vetes një tjetër sfidë të rëndësishme, një moment historik ku do të përballen me Liverpoolin në finalen e madhe të Kampionëve në Kiev më 26-të maj. /infokusi.com

 

 

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

sport