Lajme

Transportonin kanabis, policia shqiptare kap në kufi çiftin maqedonas

Autori: Gazeta inFokus 15:58 | 12 September 2017

Shërbimet e Stacionit të Policisë Kufitare në Qafë-Thanë, në vijim të punës së tyre kanë bërë kapjen dhe arrestimin në flagrancë të shtetasve: Metodi Maraichkov, 40 vjeç si edhe Ljubica Zucovikj, 40 vjeçe, të dy banues në Maqedoni.

Shtetasi maqedonas dhe bashkëpunëtorja e dyshuar e tij u arrestuan, pasi në valixhen personale, posedonin sasinë e dyshuar të drogës: 4 pako me peshë 1 Kg e 150 gram lëndë narkotike e dyshuar si Cannabis Sativa.

Më datë 11.09.2017, shtetasit e mësipërm, janë paraqitur në dalje të Republikës së Shqipërisë, si pasagjerë të një mjeti tip autobus me targa GV945BM, i cili kishte si destinacion Maqedoninë.

-Advertisement-

Veprimet proceduriale të rastit, u kryhen nga Specialistët e Seksionit për Narkotikët, në Drejtorinë Vendore të Policisë Korçë.

Subscribe në YouTube: GAZETA INFOKUSI