Sport

Trajneri i PSG zbulon vendimin e fundit për portierin e parë

Autori: Gazeta inFokus 11:19 | 14 September 2018

Thomas Tuchel vazhdon t’i japë besim Areolës, i cili pritet të luajë ndeshjet e radhës te PSG.

Tek PSG vazhdon të ketë një çështje portierësh. Thomas Tuchel vazhdon t’i japë besim Areolës, i cili pritet të luajë ndeshjet e radhës, duke përfshirë edhe atë kundër Liverpool, por gjermani qartësoi se ende nuk e ka vendosur kush do të jetë titullar në skuadrën e tij:

“Nuk kam thënë që Areola është numri 1 tani, por ja kam thënë vetë lojtarit përpara se të vinte Buffon. Gjithsesi, Gigi është Gigi. Duhet të jemi inteligjentë e të gjejmë një zgjidhje të përbashkët për të dy.

-Advertisement-

Një nga arsyet që Areola do të luajë në Champions, është dhe skualifikimi prej tre ndeshjesh i Buffon, pas deklaratave kundër gjyqtarit në çerekfinalen e dytë mes Realit të Madridit e Juventusit sezonin e shkuar. Një lajm i mirë për Tuchel është dhe rikthimi i Marco Verratit, i cili nuk ka luajtur ende asnjë ndeshje këtë sezon:

“Është shumë e rëndësishme që një lojtar si Marco, të jetë në gjendje të mirë. Ai ka punuar fort e duhet të vazhdojë kështu. Po flasim për një lojtar me shumë guxim, i cili do ta ketë gjithmonë topin e të hapë lojën për shokët e skuadrës”.

Klubi francez ka rënë në një grup ferri të UEFA Champions League. Ata do të jenë në një grup me finalistët e edicionit të kaluar, Liverpool, Napolin e ish-tranjerit të tyre Carlo Ancelotti dhe serbët e Crvena Zvezdas.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

sport